![](/static/articles/01/51/12/l-SL2s5lFKsY.jpg)
Սամվել Նիկոյանը իրեն դեռ ԱԺ նախագահ է զգում
Ազգային ժողովի պատգամավոր Սամվել Նիկոյանը կարծես հոգեպես չի տրամադրվել հրաժեշտ տալ ԱԺ նախագահի պաշտոնին: Թեև խորհրդարանի պաշտոնական կայքէջում որպես ԱԺ նախագահ արդեն ողջույնի խոսքով հանդես է գալիս Հովիկ Աբրահամյանը, ով հասցրել է ամիսների ընդմիջումից հետո մեկ անգամ ևս նստել ԱԺ նախագահի աթոռին, սակայն Սամվել Նիկոյանն իր ֆեյսբուքի էջում շարունակում է մնալ ԱԺ նախագահ:
Բացի դրանից՝ երեխաների իրավունքների պաշտպանության միջազգային օրվա առթիվ Սամվել Նիկոյանն իր ֆեյսբուքյան ուղերձում հատուկ հիշեցրել է, որ հիվանդ երեխաներին գումար է փոխանցել՝ ԱԺ նախագահի պաշտոնում ապահովելով իր վերջին PR-ը. «Եվ ցանկանում եմ տեղեկացնել, որ ՀՀ ԱԺ նախագահի պաշտոնում իմ պաշտոնավարման ընթացքում կատարված խնայողությունների հաշվին, իմ վերջին կարգադրությամբ 3 մլն դրամ է հատկացվել լեյկիմիայով տառապող երեխաների բուժման ֆոնդին»:
Իհարկե, Ս. Նիկոյանը լավ գործ է արել՝ գումար փոխանցելով հիվանդ երեխաների ֆոնդին, բայց արդյոք այդ մասին պետք է հետպաշտոնական ուղերձով տեղեկացներ հենց Սամվել Նիկոյանը: Մի՞թե նրա շրջապատում չկա գոնե մեկ հավատարիմ մարդ, ով ԱԺ նախկին նախագահի PR-ն իր վրա կվերցներ:
Մեկնաբանություններ (4)
Մեկնաբանել