Ոստիկանության Սևանի բաժնի ծառայողների բացատրական աշխատանքների շնորհիվ՝ հունիսի 1-ին բաժին է ներկայացել 33-ամյա մի տղամարդ և կամավոր հանձնել տարբեր տրամաչափի 80 փամփուշտ, «Ջ-1» տիպի նռնակ՝ առանց պայթուցիչի և ինքնաձիգի դատարկ 2 պահունակ:

Տղամարդը հայտնել է, որ զինամթերքը պատկանել է հանգուցյալ հորը, ով 1990-1992 թթ. մասնակցել է Արցախի ինքնապաշտպանական մարտերին: «Նշանակվել է փորձաքննություն: Կատարվում է հետաքննություն»,- հայտնում է ոստիկանությունը: