Տավուշի մարզի Ներքին Կարմիրաղբյուրի համայնքապետ Մանվել Կամենդատյանը «Հետքին» տեղեկացրեց, որ այսօր 52-ամյա Վաչիկ Մելքումյանին վիրահատել են Բերդի զինվորական հոսպիտալում, և նրա վիճակը կայուն է:

Հիշեցնենք, որ երեկ ադրբեջանցիներն իրենց դիրքերից կրակ էին բացել Ներքին Կարմիրաղբյուր և Այգեպար գյուղերի միջև գտնվող դաշտում աշխատող Վաչիկ Մելքումյանի ուղղությամբ: Կարմիրաղբյուրցի Վաչիկ Մելքումյանը հրազենային վնասվածք էր ստացել ձախ ոտքի ծնկի վերևի հատվածում:

Ըստ համայնքապետի՝ դեպքից անմիջապես հետո գյուղ են եկել ուժային կառույցների ներկայացուցիչները: Վաչիկ Մելքումյանին հոսպիտալ տեղափոխել են հենց զինվորականները:

«Մեր գյուղում եթե ոչ ամեն օր, ապա օրը մեջ հաստատ կրակոցներ լինում են: Վերջին ժամանակներում կրակոցներն ուղղված են հատկապես խաղաղ բնակչության դեմ»,-ասաց Մանվել Կամենդատյանը: