![](/static/articles/01/51/25/l-QoSQvcGpGt.jpg)
Վարչապետն ու 3 նախարարներ շարունակելու են պաշտոնավարումը
Նախագահ Սերժ Սարգսյանը ՀՀԿ խորհրդի նիստում վարչապետի պաշտոնում առաջադրել է Տիգրան Սարգսյանի թեկնածությունը, և այն ընդունվել է միաձայն: Այս տեղեկությունը «Հետքին» հայտնեց ՀՀԿ մամուլի խոսնակ, Ազգային ժողովի փոխնախագահ Էդուարդ Շարմազանովը:
Քիչ առաջ ավարտվել է ՀՀԿ գործադիր մարմնի նիստը: Կուսակցության խորհրդի նիստը նախորդել էր դրան: Գործադիր մարմինն այսօր պետք է քննարկեր կառավարության կադրային քաղաքականության հարցը, քանի որ մայիսի 31-ին օրենքով սահմանված կարգով կառավարությունը հրաժարական է տվել:
Է. Շարմազանովից հետաքրքրվեցինք նաև, թե ովքեր են ձևավորելու նոր կառավարությունը: Նրա խոսքով՝ կառավարության անդամների հարցը չի քննարկվել, սակայն իրենց պաշտոններում շարունակելու են աշխատել արտաքին գործերի նախարար Էդվարդ Նալբանդյանը, արտակարգ իրավիճակների նախարար Արմեն Երիցյանն ու պաշտպանության նախարար Սեյրան Օհանյանը: Մյուս նախարարների հարցը ՀՀԿ-ն կքննարկի 20-օրվա ընթացքում:
Մեկնաբանություններ (3)
Մեկնաբանել