Թուրքական Bayraktar Akinci անօդաչուն ուրբաթ օրը՝ դեկտեմբերի 16-ին իրականացրել է «երկինք-երկիր» դասի առաջին ազգային գերձայնային հրթիռի հաջող փորձարկումը։ Այդ մասին թվիթերյան իր միկրոբլոգում գրառում է արել Baykar ընկերության տեխնիկական տնօրեն, Թուրքիայի նախագահ Ռեջեփ Թայիփ Էրդողանի փեսա Սելչուք Բայրաքթարը։

«Թուրքական առաջին TRG-230-IHA գերձայնային հրթիռը, որն արտադրվել է Rokestan ընկերության կողմից, 100 կիլոմետր հեռավորության վրա հաջողությամբ խոցել է թիրախը»,- ասված է Բայրաքթարի գրառման մեջ։

Bayraktar #AKINCI @Roketsan'ın geliştirdiği Türkiye’nin ilk süpersonik füzesi #TRG230IHA’yla 100 km mesafeden hedefi tam isabet vurdu.🎯

Bayraktar #AKINCI fired Turkey's first supersonic missile #TRG230IHA, developed by @Roketsan. Bull's eye from 100km's.🎯

✈️🐳🚀🌍🇹🇷 pic.twitter.com/faD1et2rID

— Selçuk Bayraktar (@Selcuk) December 16, 2022

Ընկերության տվյալներով՝ անօդաչուից հրթիռի արձակումը, որը թռել էր Baykar ընկերության Ստամբուլի մոտ գտնվող Չորլու քաղաքի օդակայանից դեպի սևծովյան Սինոփ քաղաք, իրականացվել է 7,62 կիլոմետր բարձրությունից։

Baykar ընկերությունը հայտնել է, որ հրթիռի հեռահարությունը կազմում է 20-ից մինչև 150 կիլոմետր։

2022 թվականին Թուրքիան փորձարկել էր «Թայֆուն» անունը կրող առաջին ազգային բալիստիկ հրթիռը։ Այն ևս մշակվել էր Rokestan ընկերության կողմից։

Լուսանկարը՝ defenceturk.net-ից