Ռուսաստանի նախագահ Վլադիմիր Պուտինը հեռախոսազրույց է ունեցել Ադրբեջանի նախագահ Իլհամ Ալիևի հետ, որի ընթացքում կողմերը քննարկել են նաև Ռուսաստանի, Ադրբեջանի և Հայաստանի առաջնորդների եռակողմ պայմանավորվածությունների գործնական իրագործման հարցերը։ Այդ մասին հայտնում է Կրեմլի մամուլի ծառայությունը։

«Քննարկվել են նաև Ռուսաստանի, Ադրբեջանի և Հայաստանի առաջնորդների եռակողմ պայմանավորվածությունների գործնական իրագործման որոշ հարցեր որոնք, մասնավորապես, կապված են հայ-ադրբեջանական սահմանին անվտանգության ապահովման հետ»,- ասվում է հաղորդագրության մեջ։

Կրեմլի մամուլի ծառայությունը հայտնում է, որ հեռախոսազրույցի ընթացքում Պուտինը շնորհավորել է նաև Ալիևի ծննդյան օրը։

Արդեն երկրորդ շաբաթն է, ինչ Լաչինի միջանցքը շարունակում է փակ մնալ։ Մի քանի հարյուր ադրբեջանցիներ, որոնք հանդես են գալիս «էկոակտիվիստների» անվան տակ, Շուշիի հատվածում փակել են Գորիս-Ստեփանակերտ ճանապարհը և թույլ չեն տալիս քաղաքացիական մեքենաներին իրականացնել ազատ տեղաշարժ։ Ճանապարհի փակ լինելու պատճառով իրավիճակն Արցախում բավականին բարդ է։ Կա սննդի, դեղամիջոցների, վառելիքի, մի շարք ծառայությունների մատուցման պակաս։

Լուսանկարը՝ Կրեմլի մամուլի ծառայության