Վերջին տվյալներով՝ 28 մարդ է զոհվել Միացյալ Նահանգներում ձնափոթորկի պատճառով առաջացած եղանակային անբարենպաստ պայմանների հետևանքով։ Այդ մասին հայտնում է NBC News-ը։ Մահվան դեպքերն արձանագրվել են Օկլահոմա, Կենտուկի, Միսուրի, Թենեսի, Վիսկոնսկին, Կանզաս, Նեբրասկա, Օհայո, Նյու Յորք, Կոլորադո և Միչիգան նահանգներում։

«Էլիոթ» ձնափոթորիկը, որն ընդգրկում է ԱՄՆ-ն ու Կանադան, սկսվել է դեկտեմբերի 21-ին։ ԱՄՆ ազգային օդերևութաբանական ծառայությունից հայտնել են, որ նման էքստրեմալ երևույթները պատահում են «սերունդը մեկ անգամ»։ Ջերմաստիճանի կտրուկ նվազման, ձյան տեղումների, ուժեղ քամու և մերկասառույցի  ֆոնին՝ տեղի են ունեցել բազմաթիվ ավտովթարներ։ Բացի այդ, խիստ վնասվել են նաև էլեկտրամատակարարման գծերը։ Դեկտեմբերի 24-ին ԱՄՆ-ում հետաձգվել է գրեթե 8000 ավիաթռիչք, ևս 3000-ը չեղարկվել է։

A once-in-a-generation storm will produce high winds east of Lake Ontario Thursday night into Friday morning, then over a larger coverage of our region Friday into Saturday. Winds could gust over 65 mph, leading to at LEAST scattered power outages, if not widespread outages. pic.twitter.com/g5EXx1TVNf

— NWS Buffalo (@NWSBUFFALO) December 21, 2022

PowerOutage.us ծառայության տվյալներով՝ ԱՄՆ հյուսիսարևելյան մի քանի նահանգներում առանց էլեկտրականության է մնում մոտ 200 000 մարդ, որից 100 000-ը միայն Մեն նահանգում։ Իրավիճակի պիկի պահին՝ առանց էլեկտրականության է եղել 1,6 միլիոն մարդ։

Կոմունալ ծառայության երկու ընկերություններ, որոնք սպասարկում են Նյու Յորքն ու ԱՄՆ հյուսիս-արևելքը, սպառողներին կոչ են արել խնայել էլեկտրաէներգիան, որպեսզի չլինեն նոր անջատումներ։ Տեխասում ջերմաստիճանի կտրուկ նվազման հետևանքով ԱՄՆ էներգետիկայի նախարարությունը հայտարարել է արտակարգ իրավիճակ, որպեսզի ռեկորդային պահանջարկի ֆոնին մեծացնի էլեկտրաէներգիայի արտադրությունը։

ԱՄՆ-ում ձնափոթորկի պատճառով կրճատվել է գազի արդյունահանումը։ Դեկտեմբերի 23-ին, նախորդ օրվա հետ համեմատ, այն նվազել է 10 %-ով, ինչի պատճառը գազատարների սառցակալումն է։ Ինչպես նշում է Bloomberg-ը, սա ԱՄՆ-ում գազի արդյունահանման ամենախոշոր օրական անկումն է։

WATCH: #BNNUS Reports

Many #Buffalo homes near the water were encased in ice and dripping with icicles due to powerful winds and strong waves from Lake Erie as the #WinterStorm hit #NewYork. pic.twitter.com/pbMHJ0ZKte

— Gurbaksh Singh Chahal (@gchahal) December 25, 2022

Փոթորկի ամենածանր հետևանքներին բախվել են Նյու Յորք նահանգի հյուսիսում գտնվող Բաֆֆալո քաղաքի բնակիչները։ Էլեկտրականության անջատման հետևանքով մարդիկ չեն կարողանում տաքացնել իրենց տները, բայց չեն կարողանում նաև տներից դուրս գալ և գտնել առավել տաք թաքստոցներ, քանի որ քաղաքում տեղաշարժը խիստ դժվարացել է։ Քամու և ձյան պատճառով հրշեղ բոլոր մեքենաները չեն կարողանում տեղաշարժվել, իսկ շտապ օգնության մեքենաները գրեթե երեք ժամ են ծախսում մեկ կանչի վրա։ Քաղաքում մինչև երկուշաբթի փակվել է օդանավակայանը։

Damn #BuffaloNY #WinterStorm pic.twitter.com/eCXfU9EuBc

— Ryan Fonda (@RyanFonda2) December 23, 2022

ԱՄՆ ազգային օդերևութաբանական ծառայության կանխատեսմամբ՝ դեկտեմբերի 25-ին ձնափոթորիկը կշարունակվի, սակայն այն էականորեն կթուլանա։ 

Լուսանկարը՝ Jalen Wright / EPA / Scanpix / LETA