Տեսանյութեր
Լուսանկարներ
Ֆրանսիայի ԱԺ նախագահը կայցելի Հայաստան
Հունվարի 12-ից 14-ը պաշտոնական այցով Հայաստան է ժամանում Ֆրանսիայի Ազգային ժողովի նախագահ Յաել Բրոն-Պիվեն ՀՀ ԱԺ նախագահ Ալեն Սիմոնյանի հրավերով։
ՀՀ-ում Ֆրանսիայի դեսպանության հաղորդմամբ, նրան կուղեկցի հայ-ֆրանսիական հարաբերություններում ներգրավված ֆրանսիացի պատգամավորների պատվիրակությունը։
«Այցի նպատակն է ամրապնդել երկու խորհրդարանների միջև կապերը և հավաստել Ֆրանսիայի համերաշխությունը Հայաստանին ներկայիս դժվարին համատեքստում։
Ազգային ժողովի նախագահը կհանդիպի իր հայ պաշտոնակցին, ՀՀ վարչապետ Նիկոլ Փաշինյանին և ՀՀ Արտաքին գործերի նախարար Արարատ Միրզոյանին։
Յաել Բրոն-Պիվեն կայցելի Ցեղասպանության հուշահամալիր և կհանդիպի քաղաքացիական հասարակության ներկայացուցիչների հետ։
Նա կայցելի նաև Զինվորի տուն և Հայաստանում ֆրանսիական համալսարան»,- ասված է Ֆրանսիայի դեսպանության մամուլի հաղորդագրության մեջ։
Մեկնաբանել