![](/static/articles/15/21/94/l-y8vuciMkUf.jpg)
Հնդկաստանի վարչապետ Նարենդրա Մոդիի պաշտոնական թարգմանիչը նշանակվել է Հայաստանում Հնդկաստանի դեսպան
Հնդկաստանի վարչապետ Նարենդրա Մոդիի պաշտոնական թարգմանիչ Նիլաքշի Սահա Սինհան նշանակվել է Հայաստանում Հնդկաստանի դեսպանի պաշտոնում։ Այդ մասին հայտնում է PTC News-ը։ Պարբերականի փոխանցմամբ՝ Նիլաքշի Սահա Սինհան մշտապես եղել է վարչապետ Մոդիի հետ։ Նա լավ տիրապետում է հինդիին, անգլերենին, բենգալերենին և ֆրանսերենին։ Բացի այդ, ըստ PTC News-ի, Սինհան վարչապետ Նարենդրա Մոդիին ուղեկցել է արտասահմանյան 14 այցի ընթացքում:
Nilakshi Saha Sinha seen with PM Modi during his meetings with world leaders: pic.twitter.com/tdiJCDah9C
— Sidhant Sibal (@sidhant) January 17, 2023
«Տիկին Նիլաքշի Սահա Սինհան <...> նշանակվել է Հայաստանի Հանրապետությունում Հնդկաստանի հաջորդ դեսպան»,- նշվում է այդ երկրի արտաքին քաղաքական գերատեսչության տարածած պաշտոնական հաղորդագրության մեջ։ Հնդկական կողմի փոխանցմամբ՝ նա մոտ ապագայում կանցնի իր պարտավորությունների կատարմանը։
Հնդկաստանը նաև նոր դեսպան ունի Ադրբեջանում։ Շրի Սրեդհարանը կադրային դիվանագետ է և Նիլաքշի Սահա Սինհանի պես ԱԳՆ-ում զբաղեցրել է քարտուղարի պաշտոն։
Լուսանկարը՝ PTC News-ից
Մեկնաբանել