Հայաստանի արտաքին գործերի նախարար Արարատ Միրզոյանը երկուշաբթի օրը՝ հունվարի 23-ին Բրյուսելում գտնվող ՆԱՏՕ-ի կենտրոնակայանում կհանդիպի ՆԱՏՕ-ի գլխավոր քարտուղար Ենս Սթոլթենբերգին։ Այդ մասին հայտնում է ՆԱՏՕ-ի մամուլի ծառայությունը։ Այն փակ կլինի լրատվամիջոցների համար։

Տեղեկությունը թվիթերյան իր միկրոբլոգում հաստատել է նաև ՆԱՏՕ-ի մամուլի խոսնակ Օանա Լունգեսկուն։ «ՆԱՏՕ-ի գլխավոր քարտուղար Ենս Սթոլթենբերգը հունվարի 23-ին կհանդիպի Հայաստանի արտաքին գործերի նախարար Արարատ Միրզոյանին»,- ասված է Հյուսիսատլանտյան դաշինքի կազմակերպության պաշտոնական ներկայացուցչի թվիթերյան գրառման մեջ։

#NATO Secretary General @jensstoltenberg will meet with #Armenia's Foreign Affairs Minister @AraratMirzoyan 🇦🇲 on 23 January.
ℹ️: https://t.co/ShFxMOPIXu pic.twitter.com/Ajmf6PlMUN

— Oana Lungescu (@NATOpress) January 20, 2023

Ֆրանսիական Le Figaro թերթի փոխտնօրեն Ժան-Քրիստոֆ Բուիսոնը թվիթերյան իր միկրոբլոգում ևս անդրադարձել է առաջիկա հանդիպմանը և նշել է, որ այս հանդիպման մեջ ռուսները կարմիր գծեր կտեսնեն։ «Երկուշաբթի՝ հունվարի 23-ին, Հայաստանի արտաքին գործերի նախարարը հանդիպում ունի ՆԱՏՕ-ի գլխավոր քարտուղար Յենս Ստոլտենբերգի հետ։ Ռուսները կարմիր գծեր կտեսնեն, իսկ ադրբեջանցիների անմարդկային շրջափակման զոհ դարձած Արցախի հայերը՝ հույսի շող»,- գրել է ֆրանսիացի լրագրողը։

Lundi 23 janvier, le ministre des Affaires étrangères d'#Armenie a rendez- vous avec le secrétaire général de l'OTAN, Jens Stoltenberg. Les Russes vont voir rouge, mais les #Armeniens d'#Artsakh victimes du blocus inhumain des Azéris y verront,eux, sans doute, une lueur d'espoir.

— J-Christophe Buisson (@jchribuisson) January 21, 2023

Հիշեցնենք, որ այս շաբաթ տարածաշրջանային այցով Հայաստանում էր գտնվում Հարավային Կովկասում և Կենտրոնական Ասիայում ՆԱՏՕ-ի գլխավոր քարտուղարի հատուկ ներկայացուցիչ Խավիեր Կոլոմինան, որը Երևանում հանդիպումներ էր ունեցել հայկական քաղաքական վերնախավի, այդ թվում վարչապետ Նիկոլ Փաշինյանի, ԱԳ նախարար Արարատ Միրզոյանի, պաշտպանության նախարար Սուրեն Պապիկյանի ու այլ պաշտոնյաների հետ։ Հայաստանից հետո Կոլոմինան այցելել էր նաև Ադրբեջան։

Լուսանկարը՝