Արդարադատության նախարարության «Վանաձոր» քրեակատարողական հիմնարկի օպերատիվ բաժնի ծառայողները 2023 թվականի հունվարի 25-ին՝ ժամը 12:50-ի սահմաններում, կալանավորված անձի մոտ կարճատև տեսակցության եկած քաղաքացու խուզարկությամբ թմրանյութ են հայտնաբերել։ 

Ըստ Քրեակատարողական ծառայության մամուլի հաղորդագրության՝ թմրանյութը հայտնաբերվել է ներքնազգեստում նախապես պատրաստված թաքստոցից։ Այն փայլաթիթեղով փաթեթավորված մարիխուանա տեսակի թմրամիջոցի նմանվող, 12,8 գրամ ընդհանուր քաշով դեղնականաչավուն զանգված է: