Հունվարի 28-ին պաշտպանության նախարարության վարչական համալիրում տեղի է ունեցել հավաք-խորհրդակցություն՝ նվիրված հայկական բանակի կազմավորման 31-ամյակին։

Միջոցառմանը մասնակցել են Նիկոլ Փաշինյանը, անվտանգության խորհրդի անդամներ, բարձրաստիճան պաշտոնյաներ ու զինվորականներ։

Ներկաները մեկ րոպե լռությամբ հարգել են հունվարի 19-ի ողբերգական դեպքի հետևանքով զոհված զինվորների հիշատակը։ Ելույթ են ունեցել Նիկոլ Փաշինյանը և պաշտպանության նախարար Սուրեն Պապիկյանը:

Այնուհետև հայտարարվել են 2022թ.-ի ուսումնական տարվա արդյունքներով մարտական պատրաստության բարձր ցուցանիշներով, զինվորական օրինակելի կարգապահությամբ լավագույնը ճանաչված զորամիավորումն ու զորամասերը։