Գործադիրն այսօր փոփոխել է իր ավելի վաղ ընդունած որոշումներից մեկը և սահմանել, որ այսուհետև հետիոտնային անցումների գծանշումների համար օգտագործվելու է դեղին գույնը:

Մյուս կողմից՝ ընդհանուր օգտագործման տրանսպորտային միջոցների կանգառների կետերի գծանշումների համար օգտագործվելու է կարմիր գույնը, իսկ ճանապարհների կամ երթևեկելի մասի եզրային պատերի գծանշումների համար` նաև կապույտ ու սպիտակ կամ կարմիր ու սպիտակ գույները։

«Նոր գծանշանները երթևեկության մասնակիցների համար կլինեն առավել տեսանելի»,- փոխանցում է կառավարության մամուլի ծառայությունը։