Նախօրեին՝ ժամը 22:15-ին, հիվանդանոցից ոստիկանության Քանաքեռ-Զեյթունի բաժնում  հաղորդում է ստացվել, որ «ձախ նախաբազկի կտրած վերք» ախտորոշմամբ բուժօգնության է դիմել 1964 թ. ծնված Արտաշես Մ.-ն:

Պարզվել է, որ դրանից մոտ 1 ժամ առաջ Ֆանարջյան փողոցի թիվ 80/1 տան մոտ վիճաբանության ժամանակ 1979 թ. ծնված Գոռ Ա.-ն խոհանոցային դանակով հարվածել է Արտաշես Մ.-ի ձեռքին և պատճառել  վնասվածք:

«Ձեռնարկված միջոցառումների շնորհիվ նույն օրը՝ ժամը 23:30-ին Գոռ Ա.-ն բերման է ենթարկվել բաժին և տվել խոստովանական ցուցմունք: Կատարվում է հետաքննություն»,- տեղեկացնում է ոստիկանության լրատվության վարչությունը: