Արցախի տեղեկատվական շտաբը հայտնում է, որ Ադրբեջանը կրկին արգելափակել է Հայաստանից Արցախ մտնող միակ  գազատար խողովակի աշխատանքը։

«Առաջիկայում կդադարեցվի բնակիչ-բաժանորդների գազամատակարարումը, իսկ առկա գազի խիստ սահմանափակ ծավալով կապահովվեն գազալցակայանները, ինչից հետո կդադարի նաև դրանց աշխատանքը։ 

Նման վարքագծով Ադրբեջանը ձմռան ցուրտ եղանակին և գիշերային ժամերին միացնելով և ապա անմիջապես  արգելափակելով Հայաստանից  Արցախ գազամատակարարումը, նպատակ ունի ստեղծել խնդիրներ և արտակարգ պատահարներ։ Խնդրում ենք զգոն լինել և պահպանել անվտանգության կանոնները»,- նշվում է հաղորդագրության մեջ։