Վարչապետ Տիգրան Սարգսյանը ԱԺ «Հայ ազգային կոնգրես» խմբակցության ներկայացուցիչներին իր հետ հանդիպելու առաջարկ չի արել: Երեկ այդ մասին «ՀԺ»-ի թղթակցին ասել է Կոնգրեսի խմբակցության ղեկավար Լեւոն Զուրաբյանը:

Երեկ Տիգրան Սարգսյանը հանդիպել է ԱԺ «Ժառանգություն» եւ «Դաշնակցություն» խմբակցությունների ներկայացուցիչների հետ, իսկ մինչ այդ հանդիպել էր ՀՀԿ-ի, ԲՀԿ-ի եւ ՕԵԿ-ի ներկայացուցիչների հետ: Վարչապետն այս օրերին փորձում է ԱԺ ուժերից երաշխիքներ ստանալ, որ նոր ձեւավորվելիք կառավարության ծրագիրը, որն առաջիկայում ներկայացվելու է խորհրդարանի հաստատմանը, չի տապալվի: Հայ ազգային կոնգրեսի ներկայացուցիչներին հանդիպման առաջարկի փորձ Տիգրան Սարգսյանը, փաստորեն, չի արել՝ թերեւս, ի սզբանե վստահ լինելով, որ այդ առաջարկը կմերժվի: