![](/static/articles/01/53/46/l-QSoofHg7vl.jpg)
«Ժողովուրդ». փողերը պետք է սեղանին դրված լինեն
«Օրինաց երկիր» կուսակցությունում հետընտրական կրքերը դեռ չեն հանդարտվում: «Ժողովուրդի» աղբյուրները փախանցում են, որ ՕԵԿ առաջնորդ, ԱԱԽ քարտուղար Արթուր Բաղդասարյանը չի համակերպվում այն մտքի հետ, որ ԱԺ ընտրությունների ժամանակ ՕԵԿ-ը խայտառակ պարտություն է կրել եւ շատ չնչին ձայներ հավաքել:
Ըստ թերթի աղբյուրների՝ Բաղդասարյանը նախքան ՌԴ մեկնելը հայտարարել է, որ իր տված գումարները պետք է վերադարձնեն: Կուսակցականները բացատրել են, որ տրված գումարները իրենք բաժանել են՝ պատրաստակամություն հայտնելով հստակ, ճշտված ցուցակները ներկայացնել՝ ապացուցելով, թե որ քաղաքացին ինչքան գումար է վերցրել: Մի քանի ՕԵԿ-ականներ անգամ խոստովանել են, որ «կարուսել» են արել, բայց արդյունքն էլի գոհացուցիչ չէ: Բաղդասարյանը հայտարարել է, թե որեւէ պատճառաբանություն իրեն չի հետաքրքրում, Ռուսաստանից վերադառնալուն պես փողերը պետք է իր սեղանին դրված լինեն: Թերթը փորձել է տեղեկությունը ճշտել ՕԵԿ մամլո խոսնակ Հարություն Ամիրյանից, սակայն վերջինիս հեռախոսն անջատված է եղել:
Մեկնաբանություններ (1)
Մեկնաբանել