HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Խնձորեսկում բացվեց 160 մ երկարությամբ ճոճվող կամուրջ

Պատմում են, որ երբ տասնամյակներ առաջ Գորիսի տարածաշրջանի Խոտ գյուղի մոտ օդանավակայան են կառուցել, տեղացիները մեծամտացել են. «Որոշ գյուղեր առանց օդանավակայան ո՞նց են ապրում»:

Նույնը կրկնվեց, երբ շահագործման հանձնվեց «Տաթեւեր» ճոպանուղին, ու հարակից գյուղերի բնակիչները սկսեցին պարծենալ, որ իրենց այցի են գալիս աշխարհի տարբեր անկյուններից: Միայն թե այս անգամ խնձորեսկցիները «չդիմացան», որոշեցին իրենց «անթել» ճոպանուղին կառուցել, և ամիսների ընթացքում կառուցվեց Խնձորեսկի ճոճվող կամուրջը, որի երկարությունը 160 մետր է, բարձրությունը` 63 մ, քաշը` 14 տոննա:

Կամուրջը միմյանց հետ կապում է հին Խնձորեսկի երկու «ափերը», որտեղից երևում են ոչ միայն Խնձորեսկի չորս եկեղեցիները, այլև նշանավոր «Ինը մանուկի» աղբյուրը:

Հին ավանդույթը պատմում է, որ երբ հերթական անգամ  Խնձորեսկի վրա հարձակվում են թշնամիները, գյուղի կանայք ու աղջիկները տղամարդկանց հետ պայքարում են պաշարումից ազատվելու համար: Պայքարի ընթացքում զոհվում է ինը երեխաների մայր, այրի Սոնան: Նրա հայրը` ուստա Օհանը, գյուղի կենտրոնական թաղում` Պիծիձորում, ուր հսկա ընկուզենու արմատներից ջուր էր ծորում, հիասքանչ  կամարով և շքեղ թասով աղջկա հիշատակին, ի բարօրություն ինը որբերի, աղբյուր է կառուցում, որի թասը կնոջ կուրծք է հիշեցնում: Թասից ջուր հնարավոր է խմել միայն երկու ձեռքով հենվելով գետնին:

Ավարտելով աղբյուրի կառուցումը՝ ուստա Օհանը դիմել է սրբին. «Այ սուրբ աղբյուր, աղաչանք եմ անում, թող աղբյուրի ջուրը դառնա մեր Սոնայի կրծքի կաթը և  պահպանի որբացած թոռներիս… »:

Ճոճվող կամուրջը, որի հանդիսավոր բացումը տեղի ունեցավ այսօր, կառուցվել է խնձորեսկցի գործարար Ժորա Ալեքսանյանի նախաձեռնությամբ ու հովանավորությամբ, ով կառույցը նվիրել է ծնողների` Հայկ և Թամարա Ալեքսանյանների հիշատակին:

կամրջի երկարությունը 160 մետր է, բարձրությունը՝ 63 մ, քաշը՝ 14 տ ճոճվող կամուրջը միաժամանակ կարող է սպասարկել 700 մարդու

«Վերջնական նպատակս, բնականաբար, տարածաշրջանում զբոսաշրջության զարգացմանը նպաստելն է, սակայն որպես այս հող ու ջրի մարդ, շատ էի ուզում, որ հին Խնձորեսկը, որտեղ գտնվում է նաև հայրական տունս, կարողանա այս միջոցով նաև ներկայանալի լինել աշխարհին, որ նաև հայրենասիրություն ասվածը միայն բառեր չմնան, երիտասարդների համար այս կամուրջը իրենց արմատներին վերադառնալու ճանապարհ դառնա»,- ասում է Ժորա Ալեքսանյանը, ով չի թաքցնում, որ երբ առաջին անգամ անցել է արդեն պատրաստի կամրջի վրայով, չի կարողացել արցունքները զսպել: Նա նաև իր երախտիքն է հայտնում համագյուղացիներին, ովքեր աջակցել են իր մտահղացումը կյանքի կոչելուն: Հիացմունքով է խոսում հատկապես եռակցող Սեյրանի մասին: 

շինարար Հակոբ Գյուրզադյան գործարար-բարերար Ժորա Ալեքսանյան

Ճանապարհաշինարար Հակոբ Գյուրզադյանի խոսքով՝ կախովի ճոճվող կամուրջն իր տեսակի մեջ բավական հետաքրքիր է, և նախաձեռնողները կարողացել են հաջող լուծումներ գտնել մտահղացումը կյանքի կոչելու համար: Նրա կարծիքով՝ կամուրջը միաժամանակ կարող է «սպասարկել» միջին քաշ ունեցող մոտ 700 մարդու:

տեսարան ճոճվող կամրջից

Քաղաքաշինության նախարարի պաշտոնակատար Վարդան Վարդանյանի գնահատմամբ՝ կամուրջն իսկապես լավագույն խթան կհանդիսանա տարածաշրջանում զբոսաշրջության զարգացման համար: Նրա կարծիքով՝ կառույցը հետաքրքրական է այն առումով, որ ամբողջը կատարվել է ձեռքի աշխատանքի միջոցով. որևէ տեխնիկական միջոցներ չեն օգտագործվել:

Խնձորեսկի համայնքային իշխանության ղեկավար Սերյոժա Հայրապետյանը նշում է, որ բոլոր ժամանակներում Խնձորեսկում արտագաղթը էական դեր չի խաղացել, ավելին՝ Խնձորեսկում կարծես թե ավանդույթ է դարձել, որ օտար ափերում բնակվող գործարար խնձորեսկցիները ոչ թե տեղացիներին աջակցում են աշխատուժ «արտահանելով», այլ հնարավորության դեպքում ներդրումներ են կատարում, որպեսզի սահմանամերձ Խնձորեսկն էլ ավելի բարգավաճի, որ գյուղի երիտասարդներն իրենց բարեկեցությունն ապահովելուն զուգահեռ կարողանան իրենց ժամանցը կազմակերպել: Այս աոումով, ըստ գյուղապետի, նորակառույց կամուրջը ոգևորում է երիտասարդներին, ովքեր ակտիվ մասնակցություն են ունեցել կամրջի գաղափարն իրականություն դարձնելու գործում. անգամ որոշ հատվածների բետոնի ծածկույթի համար ձիով շինանյութ են տեղափոխել:

Խնձորեսկի գյուղապետ Սերյոժա Հայրապետյան Սյունիքի մարզպետ Սուրեն Խաչատրյան

Սյունիքի մարզպետ Սուրեն Խաչատրյանը, ում վստահվեց կամրջի բացման պատիվը, նշեց, որ ՀՀ կառավարության որոշմամբ Գորիսում զբոսաշրջության զարգացումը խթանելու համար ընդարձակ ծրագիր է կազմվել, ըստ որի՝ «ճանաչողական և կրթական-մշակութային զբոսաշրջության համար իբրև կենտրոններ են վերցրվել Սյունիքի մարզի Տաթև, Խնձորեսկ, Հալիձոր, Քարահունջ գյուղերը, որտեղ ավելի լավ են պահպանված անցյալից եկող, ոչ նյութական ժառանգության մաս կազմող Գորիսի շրջանին բնորոշ ավանդույթները, կենցաղը, բարբառը, խոհանոցը», և այս առումով Խնձորեսկի ճոճվող կամրջի կաուցումը առաջին քայլերից մեկն է: Ըստ նրա՝ Սյունիքի յուրաքանչյուր անկյունը կարող է խթանել մարզում զբոսաշրջության զարգացմանը, եթե նման նախաձեռնություններն ավելի շատ լինեն, եւ մարզպետը պատրաստակամություն հայտնեց աջակցել դրանց իրականացմանը:

Մեկնաբանություններ (19)

harry
Bravo,Bravo Syunik natives, do your best for your region.Hard work will pay soon.
Ijevan
Tenc gexecik bnutian nkarner mi dreq internetum, Bulkin henc tenc bana tenum et texi vra hanqi shahagorcman tuiltvutiuna talis u porcaqnnutin anckacnum:)))) Karoxa dran drsic en uxarkel vor qandi Hayastan@?
Վարազ Սյունի (Ամստերդամ)
(18) - Չես ասի ես էլ իմանամ?- էդ որ կոմենտիս ԿՈՆԿՐԵՏ որ հատվածն էր «ոչ լեգիտիմ անառողջ ելույթ»: Քեզ թվում է ես այստեղ պիտի գամ -գրեմ, թե այսինչ կամ այնինչ թվին այսինչի կամ այնինչի համար այս ու այն եմ արել? Հայաստանի համար իմ արած ԱՄԵՆԱՄԵԾ գործն այն է,որ Հայաստանի ջանից ՈՉ ՄԻ բան ՉԵՄ պոկել/պոկում: Կյանքումս ՈՉ ՄԻ բան չեմ քանդել ու չեմ էլ պատրաստվում, թեև ԿՏՐԱԿԱՆԱՊԵՍ դեմ եմ Հայաստանում ( հերթական պսպղուն ) ՆՈՐ եկեղեցիների կառուցմանը: Եթե դու եկեղեցի գնալով/մոմ վառելով ՆԵՐՔԻՆ հանգստություն ու հոգու ուժ ես ստանում,ապա ես բացարձակ դրա դեմ ՉԵՄ,ընդհակառակը: ԲԱՅՑ ԵԹԵ դու կամ մի ուրիշը եկեղեցին ու քրիստոնեական (կրոնական) գրառուները օգտագործուն են երկրի օրինական քաղաքացիների մի մասի ՍԱՀՄԱՆԱԴՐԱԿԱՆ իրավունքները սահմանափակելու համար,ապա ես սա համարում եմ անդեմոկրատական,հակա-սահմանադրական, ՎՏԱՆԳԱՎՈՐ ու աններելի: Ես գտնում եմ,որ Հայաստանը պետության-ազգային մակարդակով պիտի անցնի ՎԱՀԱԳՆյան-Հայկական վարդապետության/գաղափարախոսության,ու սկի ՎԱՀԱԳՆ Աստծո մեհյանների վերակառուցում: Սա ՉԻ նշանակում թե պիտի եկեղեցիները քանդել, կամ չես կարող եկեղեցի գնալ: ԱՆՁՆԱԿԱՆ մակարդակով ՈՒՄ ՈՒԶՈՒՄ ես հավատա: Մեկը մյուսին չի խանգարում:...................................................................................... Իսկ ինչ վերաբերում է այս կամրջին- հետաքրքիր ու լավ նախաձեռնություն է,բայց օլիգարխահոտ է: Սյունիքի (Գորիսեցի) մարզպետը հենց այնպես այդտեղ չէր գա.ուրեմն մի բանի հոտ է(ր) առել:
Ուրիշ Հայ
Իսկ դու ինչ ես կառուցել Հայաստանում Վարազիկ որ մեծ բերան հոխորտում ես մյուս էջերի վրա տարիներ առաջ ստացած 50,000 եվրոներով և քո ոչ լեգիտիմ անառողջ ելույթներով։ Ինչքան նայում եմ քո կոմենտներին այլ էջերում, էնքան զմայլվում որ խոսալն էնքան հեշտ ա քո մոտ ինչքան ցեխ ես ցրում սաղի վրայ։ Ըստ երեվույթին քո մոտ խոսալն ա կարեվորը, թող գործը ուրիշներն անեն։ Ու վատ չեր ստացվի քո մոտ եթե հայաստանի սաղ եկեղեցիները քանդենք նախիջեվանի խաչքարերի նման, ինչ որ քո սրտի ցանկությունն ա երեվում։
Վարազ Սյունի (Ամստերդամ)
Տեսաք? Որ ասում էի: Պարզվում է,որ այս կամրջի կառուցման ողջ «հայրենասիրության» բանալին էր կողքի ՀՅՈՒՐԱՆՈՑՈՒՄ է(ր) գտնվում: Պարոն հյուրանոցատեր, ցանկանում եմ ձեզ շատ փող ու հիմա էլ խորովածանոցի շուտափույթ կառուցում:..................................... ՄԵՋԲԵՐՈՒՄ վերևի ՇՈՒՇԱՆ (3) կոմենտից.«ԵՍ ՀՊԱՐՏԱՆՈՒՄ ԵՄ ԻՄ ՊԱՊԻԿՈՎ ՎՈՐ ԿԱՐՈՂԱՑԱՎ ԱՅՍՊԻՍԻ ՀՐԱՇԱԼԻ ԿԱՄՈՒՐՋ ԿԱՐՈՒՑԵԼ ՆԱ ԻՐՈՔ ՇԱՏ ՄԵԾ ԱՇԽԱՏԱՆՔ ԿԱՏԱՐԵՑ ԿԱՐՈՒՑԵԼՈՎ ԱՅՍ ԿԱՄՈՒՐՋԸ ՔԱՆԻ ՈՐ ՊԱՊԻԿՍ ՈՒՆԻ ՆԱԵՎ ՀՅՈՒՐԱՆՈՑ ՆԱ ԱՅԴ ԿԱՄՈՒՐՋԸ ԿԱՐՈՒՑԵԼՈՎ ՀԵՇՏԱՑՆՈՒՄ Է ՆԱԵՎ ՏՈՒՐԻՍՏՆԵՐԻ ԱՇԽԱՏԱՆՔԸ »: Ամեն ինչ ասված է այս կոմենտով:
silva kirkoryan
The bridge is a great achievement. I don't know why it did not get a major coverage by the media, print or otherwise, in Armenia. Take that RFERL.org.... I would like to see you cover the same story as well.
Վարազ Սյունի (Ամստերդամ)
Garik (5) - Շատ հավանեցի քո կոմենտը: Հայաստանի/Սյունիքի ապագան քեզ պես մտածողներինն է:............................................................................. Արարատ (6) - Քո (իմ ԱՆՁԻՆ ուղղված) կոմենտին պատասխանեմ,որ մեջս ոչ մի գրամ թույն չկա ու բավականին երջանիկ եմ: Եթե ուզում ես,կարող եմ նաև ասել, թե օրը քանի անգամ եմ լողանում,ինչ եմ ուտում ու քանի անգամ եմ բալկոն դուրս գալիս: Իսկ ինչ վերաբերում է Կապանին/Սյունիքին. ԵՐԲ ՈՐ մաքրես մի բաց պոչամբարի թեկուզ մի մասը, այդ դեպքում կտեսնեմ: Ենթադրում եմ,որ 50-նն անց ես ու ՀՀԿ-ն քեզ մարզպետարանում/քաղաքապետարանում մի պաշտոն է «տվել»: Եթե ոչ-լավ թեկնածու ես: Ու ուրիշների պես- ամառանոցդ հանքերից ու պոչամբարներից հեռու: ՀԳ. Գրում եմ այն,ինչ տեսնում/կարդում եմ. հայաստանի քեֆի սեղանի թամադա չեմ :Կներես,ես էլ քեզ դաս տալու նպատակ չունեի:
Վարազ Սյունի (Ամստերդամ)
STS (13) - Ես կհամաձայնվեի քեզ հետ, ԵԹԵ չլիներ հոդվածի ամենավերջին 2 նախադասությունը. «Սյունիքի մարզպետ ... իրականացմանը»: Սա ինձ բավականին բարկացրեց,որովհետև այսօր հարավային Սյունիքը (Մեղրու ու հատկապես Կապանի շրջանները) բառիս բուն իմաստով ՀՈՇՈՏՎՈՒՄ են ՀԱՆՔԵՐԻ կողմից, որոնց թվում պարոն մարզպետինը: Այսպես որ շարունակվի, 5-10 տարի հետո ԱՅՆՔԱՆ ԱՂՏՈՏՎԱԾ է լինելու հարավային Սյունիքը,որ այն ԴԱՏԱՐԿՎԵԼՈՒ է. քիչ թե շատ փող ունեցողները ՓԱԽԵԼՈՒ են, իսկ աղքատները/ծերերը հիվանդություններից աստիճանաբար մահանալու են: ԱՅԴ ԴԵՊՔՈՒՄ ինձ բացարձակ ՉԻ հետաքրքրում,թե Գորիսի մի գյուղում մի ճոճվող կամուրջ կա,թե չկա: Էդ կամուրջի կողքը ՇՈՒՏՈՎ «ոչ օլիգարխային» հյուրանոց ու խորովածանոց է բուսնելու. Տաթևերը քեզ վկա-գոնե գյուղացիներին այս անգամ թողել էին մասնակցել բացմանը:
Anahit Margaryan
Մեկնաբանությունը...Շատ սիրուն է: Երանի նրանց ովքեր ՀԱՅՐԵՆԻՔՈՒՄ են, խմում են մեր անմահական ջուրը, շնչում հազարավոր՝ էլի ԱՆՄԱՀԱԿԱՆ ծաղիկների բույրը, կարճ ասած - ԱՊՐ՜՜՜ՈՒՄ...ԲՌԱՎՈՈՈՈՈՈՈՈՈՈՈՈՈ՜ ԺՈՐԱ - ԳԵՎՈՐԳ ԱԼԵՔՍԱՆՅԱՆ, ՔԵ՛Զ, ԵՐԿԱՐ ԱՐԵ՜՜՜՜՜՜՜՜՜՜՜՜՜՜՜ՎՎՎՎՎՎՎՎՎՎՎՎՎ: Սուրբ ԳԵՎՕՐԳ ՀԱՂԹԱՆԱԿԱԲԵՐԸ քեզ պահապան!!!!!!!!!!!!!!!
STS
Հարգելի Վարազ Սյունի, ոչ ոք չի ասում թե Ողջի գետը աղտոտված չի: Ավելին, դրանից ավելի աղտոտ գետեր կան և ոչ միայն գետեր: Դրանց մասին կարելի ա առանձին խոսել, գրել, ակցիաներ կազմակերպել, դժգոհել, քննադատել; Բայց ոչ էսպիսի առիթով: Լավ գործա ակատարվել, ինչը նաև դուք եք գնահատում կարծեմ: Եկեք լիարժեք ասենք ապրեն էդ մարդիկ, ողջ լինեն ու էլի բարի գործեր անեն: Ոչ թե, կոպիտ ասած, ասել
Արարատ
Հրաշալի կառւյց է, իր տեսակի մեջ Հայաստանում եզակի, բան չունեմ ասելու: Ապրի Ժորան, բոլոր նրանք, ովքեր ոգեշնչել, աջակցել և խրախուսել են այս գործում: Շնորհակալ եմ նաև, որ այսքան արագ արձագանք եղավ -ում: Իհարկե` շնորհիվ Ս.Շահնազարյանի օպերատիվ գործելաոճի: Ապրի նաև ինքը: Միայն չիմացա. բարձրությունը 163 , թե 63 մետր է, ինչպես նշված է ցուցանակում:
Կորյուն
6. Արարատին - Հարգելի Արարատ, երևի դուք երջանիկ մարդ եք: Իրոք, միայն երջանիկ մարդը կարող է չնկատել, որ Վարազ Սյունին գրել է. : Իհարկե, հեղինակը գովաբանությունների մեջ շռայլ չի, որը նկատել եմ, գուցե և նրա մոտեցում է, բայց այնուամենայնիվ նա իր այս կարճ խոսքերով գովեց ու ընդունեց այդ նախաձեռնությունը: Իսկ մնացածի մասին, բերեք համաձայնվենք, որ թվարկած ցանկը թերի էր: Նույնիսկ շատ թերի, որովհետև ներառված էր միայն Սյունիքի մարզ...
Hexinak
Hargeli Davit, hetaqrqirn ajn e, vor konkret chartarapet chi exel, texi mardik mimjanc het xorhurd en arel u karucel
Արարատ
Ուզում եմ Վարազին (թե Սյունիի հետ ինչ կապ ունի, չգիտեմ), մի հարց տամ: Որքան հետևել եմ քո մեկնաբանություններին, մի լավ բան չեմ կարդացել, իսկ եթե գրել ես` ընդամենը այնքան, ինչքան այս անգամ: Վարազ, եթե դու իրոք Ամստերդամում ես, այդտեղ զբաղվելու գործ էլ կունենաս: Հանգիստ թող Սյունիքը, սյունեցիներին, Կապանն ու կապանցիներին: Այն ինչ կա` կա, այն ինչ արվում է` լավ է, օգնենք անողներին, ոգևորենք նոր նախաձեռնությունների համար: Հանիր քո ներսի թույնը, սա ասում եմ հանուն քեզ, ասում եմ նաև բոլոր նրանց, ովքեր ամեն տեղ և ամեն ինչում ոչ թե լավը չեն տեսնում, այլ ամեն գնով ամեն առիթ օգտագործում են վատից խոսելու, ներսի թույնը թափելու, մարդկանց մեջ չարություն ու ամենօրյա դժգոհություն սերմանելու համար: Չգիտեմ, քեզ երջանիկ մարդ համարում ես, թե` ոչ, բայց ես կասկաժում եմ: Իմացիր, էությամբ դժգոհ մարդը երբեք ոչնչից ու ոչ մի պարագայում չի գոհանա: Ասել կուզեմ, որ երջանիկ էլ լինել չես կարող: Այ, փորձիր, եթե կարող ես` մի բան էլ դու արա: Կտեսնես, ինչքան լավ կզգաս քեզ, ինչքան կգոհանաս ինքդ քեզնից, ինչքան երջանիկ կլինես: Փորձիր, կարծում եմ դեռ շատ երիտասարդ ես, ժամանակ ունես: Եթե դու բացման ժամանակ տեսնեիր Ժորային, եթե տեսնեիր նրան աջակցողներին, նաև մարզպետին, մյուսներին, դու միայն նրանց հայացքներից կհասկանայիր, թե ինչ է նշանակում կառուցել, ստեղծել, օգնել: Կներես, քեզ դաս տալու նպատակ չունեի, պարզապես ինքս ինձ հետ մի փոքր զրուցեցի և ցանկացա քեզ տեղեկացնել դրա մասին: Եթե օգնի քեզ` միայն ուրախ կլինեմ: Կփորձեմ հետագայում մեկնաբանություններիդ մեջ լավ տրամադրություն փնտրել: Լավ մնա: Իսկ Գարիկին ասեմ, որ եկեղեցի սարքելն առավել շնորհակալ գործ է:
Garik
Ապրեն, լավ գործ են արել, որ եկեղեցի չեն սարքել, այլ պիտանի բան:
Վարազ Սյունի (Ամստերդամ)
Իրոք հետաքրքիր ու լավ նախաձեռնություն է:.................................................. Պարոն Սյունիքի (Գորիսեցի) մարզպետ, իսկ ՈՐՏԵՂ են 'ՀՀ կառավարության որոշմամբ ԿԱՊԱՆՈՒՄ զբոսաշրջության զարգացումը խթանելու համար ընդարձակ ծրագրերը'? Այսօրվա տուրիստը ԻՆՉ պիտի տեսնի/վայելի Կապանում և հարակից գյուղերում?- օդի ու հողի մեջ հանքային ԿԱՊԱՐ ու ՑԻՆԿ?,Կապան քաղաքի միջով հոսող ԱՂՏՈՏՎԱԾ Ողջի գետ ( կամ «գետ»)?, Արծվանիկ գյուղի բաց ԱՀԱՎՈՐ պոչամբար ու նմանատիպ 10-ից ավելի պոչամբարներ իրար հարևանությամբ?, Լեռնաձորային ՄԱՀԱՑՈՒ Ուրանի ուրվական?: Հետո, այս կամրջի կառուցումն էլ,ըստ հոդվածի,ՄԱՍՆԱՎՈՐ նախաձեռնություն էր. ՄԻԱՅՆ ժապավեն կտրելն էր պետական «ներդրում»:
David
Ճարտարապետին կնշեք?
ՇՈՒՇԱՆ
ԵՍ ՀՊԱՐՏԱՆՈՒՄ ԵՄ ԻՄ ՊԱՊԻԿՈՎ ՎՈՐ ԿԱՐՈՂԱՑԱՎ ԱՅՍՊԻՍԻ ՀՐԱՇԱԼԻ ԿԱՄՈՒՐՋ ԿԱՐՈՒՑԵԼ ՆԱ ԻՐՈՔ ՇԱՏ ՄԵԾ ԱՇԽԱՏԱՆՔ ԿԱՏԱՐԵՑ ԿԱՐՈՒՑԵԼՈՎ ԱՅՍ ԿԱՄՈՒՐՋԸ ՔԱՆԻ ՈՐ ՊԱՊԻԿՍ ՈՒՆԻ ՆԱԵՎ ՀՅՈՒՐԱՆՈՑ ՆԱ ԱՅԴ ԿԱՄՈՒՐՋԸ ԿԱՐՈՒՑԵԼՈՎ ՀԵՇՏԱՑՆՈՒՄ Է ՆԱԵՎ ՏՈՒՐԻՍՏՆԵՐԻ ԱՇԽԱՏԱՆՔԸ ԵՍ ԻՐՈՔ ՀՊԱՐՏԱՆՈՒՄ ԵՄ ԻՄ ՊԱՊԻԿՈՎ
Susanna
Barrdzrutjunn isakapes 63 metr e, xndrum em neroxamit linel, erevi shat ei vogevorvac, vor nman gexecik ban e karucvel, en el Xndzoreskum: Hexinak

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter