Ուկրաինայի զինվորականներին սպառազինության լրացուցիչ մատակարարումները հանդիսանում են Ստոկհոլմում ԵՄ երկրների պաշտպանության նախարարների հանդիպման օրակարգի գլխավոր հարցերից մեկը։ Այդ մասին լրագրողներին հանդիպումից առաջ հայտարարել է Էստոնիայի պաշտպանության նախարար Հանո Պևկուրը։ 

Պևկուրը կողմ է արտահայտվել ԵՄ երկրների կողմից Ուկրաինայի համար սպառազինության համատեղ ձեռքբերմանը միջոցներ հատկացնելու օգտին՝ պնդելով, որ դա կբարձրացնի արդյունաբերական պոտենցիալը և ապագայում կօգնի Եվրամիությանը։

ԵՄ դիվանագիտության ղեկավար Ժոզեպ Բորելը լրագրողներին հայտարարել է, որ պաշտպանական արդյունաբերության պոտենցիալի ընդլայնման համատեղ ջանքերից զատ, ԵՄ երկրները նաև պետք է օպերատիվ կերպով Ուկրաինային մատակարարեն սպառզինություն՝ իրենց ունեցած պաշարներից։ Բորելը հայտարարել է, որ առկա պաշարներից ուղարկումը կարող է իրականացվել մի քանի շաբաթվա ընթացքում։

«Հարցը նրանում է, թե ինչպես Ուկրաինային ապահովել սպառազինությամբ, որոնք անհրաժեշտ են հետագա պաշտպանության համար»,- ասել է Բորելը։

Ուկրաինան, մասնավորապես, դաշնակիցներից խնդրել է մատակարարել 155 միլիմետր տրամաչափի էլ ավելի շատ հրետանային արկեր։

Լուսանկարը՝ Andrey Kuzmin / Alamy Stock Photo