Տեսանյութեր
Լուսանկարներ
«Ժողովուրդ». Բաղդասարյանն ու Բիշարյանը դժգոհում են, որ ՀՀԿ-ն իրենց «քցել է»
Թեև ՕԵԿ-ը ՀՀԿ-ի հետ կոալիցիա է կազմել, սակայն այս օրերին և ՕԵԿ նախագահ Արթուր Բաղդասարյանը, և փոխնախագահ, ԱԺ ՕԵԿ խմբակցության ղեկավար Հեղինե Բիշարյանը դժգոհում են Սերժ Սարգսյանից և ՀՀԿ-ից՝ ասելով, թե իրենց պարզապես «քցել» են ու հակառակ բոլոր խոստումներին՝ ԱԺ ընտրություններում հազիվ 5 տոկոս ապահովել:
Ընդ որում, եթե Արթուր Բաղդասարյանի դժգոհություններն ուղղված են անձամբ Սերժ Սարգսյանի դեմ, ապա տիկին Բիշարյանի թիրախում ՀՀԿ ողջ վերնախավն է՝ Հովիկ Աբրահամյանը, Տիգրան Սարգսյանը և այլք:
Զարմանալի զուգադիպությամբ ՕԵԿ վերահսկողության տակ գտնվող կայքերից մեկը, օրերս անդրադառնալով ԱԺ նախագահ Հովիկ Աբրահամյանի ընտրություններին և քվեաթերթիկներից մեկի վրա «մուկ» գրառմանը, նյութի հետ հենց մկան նկար է դրել: Թե ում և ինչ է ՕԵԿ-ը սրանով ցանկացել հասկացնել, մնում է միայն կռահել:
Մեկնաբանություններ (3)
Մեկնաբանել