Հայաստանի, Ռուսաստանի և Ադրբեջանի արտգործնախարարների հանդիպման հնարավորություն կա
Պատգամավոր Լիլիթ Մինասյանը Ազգային ժողովում Արտաքին գործերի նախարար Արարատ Միրզոյանից հետաքրքրվեց, թե ինչպես կամփոփի Մոսկվա կատարած այցը, ինչպիսի պայմանավորվածություններ կան: Պատգամավորը հարցրեց նաև Լաչինի միջանցքի ապաշրջափակման ուղղությամբ ինչ ակնկալիքներ կան:
Արարատ Միրզոյանն ասաց, որ կառուցողական, անկեղծ խոսակցություն է ունեցել Ռուսաստանի Դաշնության արտաքին գործերի նախարար Սերգեյ Լավրովի հետ, այնուհետև քննարկում են ունեցել ընդլայնված կազմով:
Արարատ Միրզոյանն ասաց, որ Լաչինի միջանցքի ապաշրջափակման թեմայով ևս խոսակցություն եղել է: 2020թ. նոյեմբերի 9-ի եռակողմ փաստաթղթով Ռուսաստանն է վերահսկում Լաչինի միջանցքը:
Պատգամավոր Մինասյանը հետաքրքրվեց նաև, թե արդյոք եղել է Հայաստանի, Ռուսաստանի և Ադրբեջանի արտգործնախարարների եռակողմ հանդիպման առաջարկ:
Միրզոյանն ասաց, որ այս հարցը ևս քննարկվել է: Ավելի վաղ նախատեսված էր նման հանդիպում, սակայն Հայաստանը չի մասնակցել և հետաձգել է այդ հանդիպումը՝ Լաչինի միջանցքի փակման պատճառով:
Նշեց, որ խաղաղության պայմանագրի հետ կապված հեռահար տեղեկատվությամբ փոխանակվում են, սակայն առաջիկայում եռակողմ հանդիպման հնարավորություն կա:
Լուսանկարը՝ արխիվային
Մեկնաբանել