Արմավիրի մարզի Մեծամոր համայնքի Տանձուտ գյուղի վարչական տարածքում ավազի ապօրինի արդյունահանման դեպք է արձանագրվել։

Բնապահպանության և ընդերքի տեսչական մարմնի աշխատակիցների պահանջով անհապաղ դադարեցվել են ծանր տեխնիկայով ավազակոպճային խառնուրդի ապօրինի արդյունահանման աշխատանքները։

«Համապատասխան նյութերը փոխանցվել են իրավապահ մարմիններին»,- հայտնում են տեսչական մարմնից։