![](/static/articles/15/46/79/l-Yw3vhrfHNY.jpg)
Ուկրաինան Լեհաստանից պատվիրել է 100 Rosomak զրահափոխադրիչ
Ուկրաինան Լեհաստանից պատվիրել է Rosomak տեսակի 100 ութակնանի մարտական զրահափոխադրիչ։ Այդ մասին իր թվիթերյան միկրոբլոգում գրառում է արել Լեհաստանի վարչապետ Մատեուշ Մորավեցկին։ Նա նշել է, որ գնումը կվճարվի այն գումարներից, որոնք Ուկրաինային կտրամադրեն ԵՄ-ն ու ԱՄՆ-ն։
Armia Ukrainy kupi od nas 100 sztuk Rosomaków, które są produkowane w Siemianowicach Śląskich. Rosomaki to transportery bojowe z najwyższej półki.
— Mateusz Morawiecki (@MorawieckiM) April 1, 2023
Zapłata za ten zakup będzie z pieniędzy UE i USA. 🇪🇺🇺🇦🇺🇸 pic.twitter.com/FZs7DcWffn
Ինչպես նշում է լեհական Rzeczpospolita թերթը, համապատասխան հայտարարությունը վարչապետն արել է Սեմյանովիցե-Սլյոնսկե քաղաքում Rosomak SA ընկերության գործարան իր այցի ժամանակ, որտեղ և արտադրում են այդ զրահափոխադրիչները։ Պարբերականի տվյալներով՝ գործարանը կարող է տարեկան արտադրել մինչև 100 մեքենա, սակայն եթե այն բերվի երկու հերթափոխով աշխատանքի, ապա արտադրության ծավալները կմեծանան երկու անգամ։
Rosomak-ը ֆիննական Patria AMV մարտական զրահափոխադրիչների լիցենզավորված տարբերակն է։ Ինչպես նշում է BBC-ն, այդ մեքենան կառուցված է մոդուլային սկզբունքով. մեկ ընդհանուր շասսիի վրա կարելի է տարբեր տեսակի մեքենաներ հավաքել։ Դրա շնորհիվ Rosomak-ը թողարկում է ավելի քան 1,5 տասնյակ տարբերակներ, որոնց թվում են զրահափոխադրիչներ, հետևակի մարտական մեքենաներ, ինքնագնաց ականանետեր, հակատանկային, հրամանատարական, ինժեներական, սանիտարական և այլ մեքենաներ։
⚡️Ukraine to buy 100 Polish Rosomak armored vehicles.
— The Kyiv Independent (@KyivIndependent) April 1, 2023
The Polish-made Rosomak will be financed with U.S. and EU funds, Polish Prime Minister Mateusz Morawiecki wrote on Twitter on April 1.
Mark O'Donald/U.S. Navy Photo/Public Domain pic.twitter.com/trpaKYMaXb
Հունվարին ԱՄՆ-ն հայտարարել էր, որ Ուկրաինային կփոխանցի Stryker տեսակի ութակնանի զրահափոխադրիչներ, որոնք իրենց բնութագրիչներով մոտ են լեհական Rosomak-ին։ Մարտի վերջին Ուկրաինայի պաշտպանության նախարար Ալեքսեյ Ռեզնիկովը հայտնել էր, որ առաջին մեքենաներն արդեն իսկ զինուժում են։ Ընդհանուր առմամբ, ԱՄՆ-ն մտադիր է մատակարարել 90 զրահափոխադրիչ։ Բացի այդ, մարտին հայտնի դարձավ, որ Ուկրաինա են ժամանել AMX-10RC տեսակի առաջին անվավոր տանկերը, որոնք խոստացել էր մատակարարել Ֆրանսիան։
Ֆրանսիայում Ուկրաինայի դեսպան Վադիմ Օմելչենկոյի խոսքով՝ հունվարի վերջի դրությամբ արևմտյան երկրները խոստացել էին Կիևին փոխանցել ավելի քան 300 տանկ։ Ավելի ուշ, Գերմանիայի իշխանությունները նաև հավանություն էին տվել Ուկրաինային 178 Leopard 1 տանկերի փոխանցումը՝ ի հավելումն ավելի վաղ ազդարարված մատակարարումների։
Լուսանկարը՝ Rosomak SA ընկերության պաշտոնական կայքից
Մեկնաբանել