Ինչպես փոխանցում են թերթի իրազեկ աղբյուրները, օրերս Սերժ Սարգսյանը հրաժեշտի հանդիպում է ունեցել ԲՀԿ անդամ նախարարների հետ: Նա ափսոսանք է հայտնել, որ ԲՀԿ-ն դուրս է եկել կոալիցիայից, եւ նշել է, որ ԲՀԿ-ական նախարարները պրոֆեսիոնալներ են, լավ են աշխատել:

Սերժ Սարգսյանն ասել է նաեւ, որ անկախ ամեն ինչից, ԲՀԿ-ական նախարարները կարող են ցանկացած պահի ցանկացած հարցով դիմել իրեն: «Ես միշտ հասանելի եմ լինելու ձեզ համար»,- ասել է նա: Քաղաքաշինության նախկին նախարար Վարդան Վարդանյանը «Ժողովուրդի» հետ զրույցում հաստատել է այս լուրը: Այլ մանրամասներ, սակայն, չի հաղորդել: