Պատգամավոր Էդուարդ Աղաջանյանը Ազգային ժողովում Արտաքին գործերի նախարար Արարատ Միրզոյանից հետաքրքվեց, արդյոք Ադրբեջանի զինված ուժերի երեկվա սադրանքները եղե՞լ են Եվրոպական միության քաղաքացիական դիտորդական խմբի մոնիտորինգի ներքո, և վերջիններս տեխնիկապես հնարավորություն ունեցե՞լ են արձանագրել դրանք: Բացի այդ պատգամավորին հետաքրքրում էր՝ գոյություն ունի՞ որևէ մեխանիզմ՝ արձանագրումների հիման վրա արագ անձագանք Եվրոպական միության կողմից:

Արարատ միրզոյանն ասաց, որ ադրբեջանական կողմից տարբեր զինատեսակներից հայ զինծառայողների և դիրքերի ուղղությամբ արձանագրված կրակի վերաբերյալ տեղեկացվել է Եվրոպական միության միջնորդական առաքելությանը, և այսօր վերջիններիս մամուլի ծառայությունը հաստատել է, որ հայկական կողմը տեղեկացրել է:

Ըստ Միրզոյանի՝ միջադեպի ժամանակ եվրոպական դիտորդները տեղում չեն եղել, սակայն իրենց դիտարկումներն արել են, ունեն իրենց զեկուցման մեխանիզմները: Այս պահին տեղեկություն չկա, թե ինչպիսին է եղել այդ զեկույցը. Որը հաղորդվել է Բրյուսելին:

Արարատ Միրզոյանն ասաց, որ նմանատիպ իրավիճակներում տեղեկացնում են բոլոր միջազգային գործընկերներին և հայցում են արագ արձագանք: