Ուկրաինայի նախագահի գրասենյակի ղեկավար Անդրեյ Երմակը հայտնել է գերիների փոխանակման մասին, որի արդյունքում Ուկրաինա է վերադարձել 130 ռազմագերի։

«Զատկի տոնին գերիների մեծ փոխանակում։ Վերադարձնում ենք մեր 130 մարդկանց։ Վերջին օրերին դա տեղի է ունեցել մի քանի փուլով. զինվորականներ, սահմանապահներ, ազգային գվարդիականներ, ծովայիններ, տրանսպորտի պետական հատուկ ծառայության աշխատակիցներ»,- գրել է Երմակը։

Նրա խոսքով՝ Ուկրաինա են վերադարձել շարքայիններ ու սերժանտներ, որոնք գերի էին ընկել Բախմուտի, Սոլեդարի, Զապորոժյեի և Խերսոնի ուղղություններում։ 

Ռուսական կողմը դեռևս չի մեկնաբանել գերիների այս փոխանակման լուրը։

Կոլաժը՝ 24 Канал-ի