Տեսանյութեր
Լուսանկարներ
Հոլանդացիները մի ոտքով տունդարձի ճանապարհին են
Բերտ վան Մարվեյկի թիմի համար գերմանացիներից կրած երկրորդ պարտությունը (1-2) նվազագույնի հասցրեց 1/4 եզրափակիչ դուրս գալու հնարավորությունը: Աշխարհի փոխչեմպիոնների՝ երեք միավոր վաստակելու եւ պայքարը վերջին տուրում շարունակելու ձգտման վրա ջուր լցրեց նախեւառաջ գերմանացիների գոլահար Մարիո Գոմեսը, որը 2 գոլ խփեց ու հավասարվեց ռուսների ռմբարկու Ալան Ձագոեւին: Դե իսկ վան Պերսիի միակ պատասխան գնդակն ընդամենը սփոփանք էր «նարնջագույնների» համար:
Այժմ հոլանդացիների միակ հնավարությունն այն է, որ թիմը վերջին տուրում խոշոր հաշվով հաղթի պորտուգալացիներին՝ միեւնույն ժամանակ հույս ունենալով, որ դանիացիները գերմանացիներից թեկուզ մեկ միավոր չեն կորզի: Սա մի փոքր անհավանական է թվում, որովհետեւ պորտուգալացիներն ու դանիացիներն իրենք միավոր վաստակելու եւ 1/4 դուրս գալու խնդիր ունեն, դե իսկ գերմանացիներին առաջին տեղով խմբից դուրս գալու համար կբավարարի նաեւ ոչ-ոքին Դանիայի հետ խաղում:
Ներկա պահին խճճված պատկեր է B խմբում այն պարզ պատճառով, որ ամեն ինչ կախված է ոչ միայն վերջին տուրի խաղերից, այլ դրանց կոնկրետ հաշիվներից: Եթե Հոլանդիան հաղթի Պորտուգալիային, իսկ Գերմանիան՝ Դանիային, հաշվվելու է խփած եւ բաց թողած գնդակների տարբերությունը: Ու հաշվի առնելով այս հանգամանքը՝ թիմերը ձգտելու են ոչ միայն հաղթել, այլեւ դա անել խոշոր հաշվով: Նման իրավիճակ կլինի նաեւ այն դեպքում, երբ Գերմանիան, Դանիան ու Պորտուգալիան 6-ական միավոր վաստակեն:
Հարկ է նշել, որ վերջին տուրի խաղերը կայանալու են նույն ժամին՝ 22:45-ին, ինչը պայմանավորվածություններից խուսափելու եւ արդար ձեւով հարցերը լուծելու հնարավորություն է:
|
Գերմանիա |
2 |
2 |
0 |
0 |
3-1 |
6 |
|
Պորտուգալիա |
2 |
1 |
0 |
1 |
3-3 |
3 |
|
Դանիա |
2 |
1 |
0 |
1 |
3-3 |
3 |
|
Հոլանդիա |
2 |
0 |
0 |
2 |
1-3 |
0 |
Լուս.՝ AFP/Getty Images-ի
Մեկնաբանել