Մեծ Բրիտանիան Ուկրաինային է փոխանցել Challenger 2 տեսակի 12 տանկ։ Ամերիկայի ձայնի փոխանցմամբ՝ տեղեկատվությունն իր ֆեյսբուքյան էջում հաստատել է Մեծ Բրիտանիայի զինված ուժերի մամուլի ծառայությունը։

Բրիտանական կառավարության ղեկավար Ռիշի Սունակը դեռ հունվարին էր հայտնել Challenger 2 տանկերի փոխանցումը ուկրաինական կողմին։ Այդ ժամանակ նշվում էր, որ ռազմական օգնությունը կկարողանա ռազմաճակատ հասնել արդեն մարտ ամսին։

Տանկին տիրապետման աշխատանքները յուրացնելու նպատակով Մեծ Բրիտանիա էին ժամանել ուկրաինացի զինվորականներ։ Փետրվարին այդ ստորաբաժանմանն այցելել էր նաև Չարլզ III թագավորը։ 

Մարտի վերջին էլ The Guardian-ը հայտնել էր Challenger 2 տանկերի ուսուցման կուրսի ավարտի ու ուկրաինական զինված ուժերի ներկայացուցիչների վերադարձի մասին։

Լուսանկարը՝ Մեծ Բրիտանիայի զինված ուժերի մամուլի ծառայության