Սիվիլիթաս հիմնադրամում այսօր հյուրընկալվել էին Միացյալ Նահանգների, Շվեյցարիայի, Եվրոպական Միության երկրների՝ Ֆրանսիայի, Միացյալ Թագավորության, Գերմանիայի, Իտալիայի և Ռումինիայի դեսպանները: Նույն օրը Սիվիլիթաս էր այցելել նաև Եվրոպական Միության դեսպանը:

Սիվիլիթաս հիմնադրամի տնօրեն Սալբի Ղազարյանը դեսպաններին ներկայացրեց հիմնադրամի և նրա հիմնադիր Վարդան Օսկանյանի դեմ սկսված քաղաքական արշավի մանրամասները: Դեսպաններին ներկայացվեցին Հիմնադրամի ֆինանսավորման աղբյուրները և ծախսերը, ինչպես նաև գործունեության հիմնական ուղղությունները: