![](/static/articles/01/55/69/l-p0XAP1SYlO.jpg)
«Չորրորդ ինքնիշխանություն». մեկնում է Հնդկաստա՞ն
«ՉԻ» տեղեկություններով՝ մոտ օրերս գործնական այցով պատրաստվում է Հնդկաստան մեկնել ԱԺ պատգամավոր Վարդան Այվազյանը: Բանից պարզվում է` ՀՀ-ում ընդամենը մեկ երկաթի հանք ունեցող Այվազյանը ձեռնամուխ է եղել հանքարդյունաբերության ոլորտում նորարարություններ մտցնել նաեւ հնդիկ բարեկամների միջոցով:
Խորհրդարանականների շրջանում տարածված լուրերի համաձայն՝ բիզնես դաշտում առավելագույն ճարպկություն ցուցաբերած սույն պատգամավորը հաջողեցրել է Հնդկաստանում շփումների մեջ մտնել տեղի խոշորագույն մեծահարուստների հետ, որոնք պարտրաստակամություն են հայտնել հանքարդյունաբերության ոլորտում ՀՀ-ում մեծ գումարներ ներդնել:
Սակայն այս խոսակցությունների համատեքստում Այվազյանի գործերին քիչ թե շատ տեղյակ շրջանակները նշում են նաեւ, որ Այվազյանը դեռեւս դանդաղում է նախկին պայմանավորվածությունները վերջնական տեսքի բերելու, քանի որ այդ առթիվ նա իր պատճառներն ունի:
Բանն այն է, որ Այվազյանը նախ սպասում է ՀՀ կառավարության վերջնական կազմի ձեւավորմանը, երկրորդ` Այվազյանի հեռահար ծրագրերը շատ ավելի հարթ կարող էին ընթանալ Հովիկ Աբրահամյանի վարչապետ նշանակվելու դեպքում: Թեեւ չի բացառվում, որ Այվազյանն իրեն ձեռնտու պայմաններով կարողանա ընդհանուր հայտարարի գալ նաեւ ներկայիս կառավարության հետ:
Մեկնաբանություններ (1)
Մեկնաբանել