Կովկասի բնության հիմնադրամի կողմից Շրջակա միջավայրի նախարարության կազմում գտնվող «Դիլիջան» և «Արփի լիճ» ազգային պարկերին  հատկացվել է 85.5 հազար եվրո, որից, համապատասխանաբար, 58 հազարը տրվել է «Դիլիջան» ազգային պարկին, իսկ 27 հազար 500 եվրոն՝ «Արփի լիճ» ազգային պարկին։  Նշված հատկացումները 2023 թվականի առաջին գումարային փոխանցումներն են , որոնք անհրաժեշտ են  բնության հատուկ պահպանվող տարածքների  արդյունավետ գործունեությունն ապահովելու համար։ Այս մասին տեղեկացնում է Կովկասի բնության հիմնադրամի մամուլի ծառայությունը։

«CNF-ի կողմից, բացի հատկացված գումարից, «Դիլիջան» ազգային պարկին նվիրաբերվել է «Նիվա» մակնիշի ավտոմեքենա, որի միջոցով նաև կիրականացվեն պարկի պահպանության աշխատանքները։ 

Հիշեցնենք, որ մինչ այս առաջին գումարային օժանդակությունները  հատկացվել են նաև «Զանգեզուր» կենսոլորտային համալիրին /142.5 հազար եվրո/ և  «Խոսրովի անտառ» պետական արգելոցին  /66.5 հազար եվրո/»,-նշված է հաղորդագրությունում։