Տեսանյութեր
Լուսանկարներ
«Ժողովուրդ». նախարար չկա
Չնայած նախնական պայմանավորվածությանը` երեկ չի կայացել ՀՀԿ ԳՄ նիստը: ՀՀԿ խոսնակ էդուարդ Շարմազանովը «Ժողովրդի» հետ զրույցում հայտարարեց, թե նիստը հետաձգվել է որոշ կազմակերպչական, տեխնիկական խնդիրների պատճառով եւ կկայանա այսօր` երեկոյան: Թե կոնկրետ ինչ խնդիրների մասին է խոսքը, նա չի մանրամասնել: Իսկ ահա «Ժողովուրդ»-ի լավատեղյակ աղբյուրները պնդում են, որ Սերժ Սարգսյանին պարզապես չի հաջողվում վերջնականապես կողմնորոշվել կադրերի հարցում:
Նա ցանկանում է միաժամանակ եւ փոքր-ինչ փոփոխություններ կատարել (գոնե 5 նախարարություններում նշանակելով նոր դեմքերի), եւ պահպանել թիմը:
Ինչեւէ, այսօր տեղի կունենա ՀՀԿ-ի գործադիր մարմնի եւ խորհրդի նիստ, որի ժամանակ, ըստ «Ժողովուրդ»-ի տեղեկությունների, որեւէ հստակ որոշում չի կայացվելու: Կառավարության կազմը ամբողջությամբ պարզ կլինի շաբաթ օրը:
Բանն այն է, որ Ս. Սարգսյանը վերջնական որոշում չի կայացրել նաեւ ՕԵԿ-ի հարցում. պարզ չէ` նրանց տալո՞ւ է աշխատանքի եւ սոցիալական հարցերի, թե՞ քաղաքաշինության նախարարությունը: Ըստ ամենայնի` երկուշաբթի օրն էլ կառավարությունը կգումարի արտահերթ նիստ:
Մեկնաբանություններ (4)
Մեկնաբանել