![](/static/articles/15/58/48/l-wy1IiYSLWj.jpg)
Ռուսական զորքերը հրթիռակոծել են Ուկրաինայի Խարկովի մարզի տարածքը
Ռուսական զինուժը մայիսի 8-ի երեկոյան հարվածներ է հասցրել Ուկրաինայի Խարկով քաղաքի ու Խարկովի մարզի ուղղությամբ։ Խարկովի մարզային զինվորական վարչակազմի ղեկավար Օլեգ Սինեգուբովի խոսքով՝ գրանցվել է Ս-300 հրթիռների առնվազն վեց հարված: Հարվածների հետևանքով Խարկովի շրջանում կան փլուզումներ։ Տուժածների և փլուզումների մասշտաբների մասին տեղեկատվությունը ճշտվում է։
Լրատվամիջոցները հայտնում են նաև Ուկրաինայի Դնեպրոպետրովսկի և Սումիի մարզերի ուղղությամբ հարվածների մասին։
Դնեպրոպետրովսկի մարզային զինվորական վարչակազմի ղեկավարը հայտարարել է, որ մարզում աշխատել է ՀՕՊ համակարգը։ Դնեպրի քաղաքապետ Բորիս Ֆիլատովը գրել է քաղաքում մի քանի պայթյունների մասին։
Սումիի մարզային վարչակազմը հայտնել է, որ օրվա ընթացքում ռուսական զորքերը 12 հարված են հասցրել մարզի ուղղությամբ։ Ընդհանուր առմամբ, Սումիի մարզի տարածքում գրանցվել է 70 պայթյուն։
Լուսանկարը՝ Reuters գործակալության
Մեկնաբանել