Իսրայելական բանակը հայտնել է, որ մայիսի 9-ի գիշերը հարվածներ է հասցրել Գազայի հատվածի տարածքում գտնվող «Իսլամական ջիհադ» պաղեստինյան արմատական խմբավորման օբյեկտներին։ Այդ մասին հայտնում է Deutsche Welle-ն։ Դրանք հաջորդել են Գազայի տարածքից Իսրայելի ուղղությամբ արձակված հրթիռակոծությանը։

Պաղեստինյան կողմի տվյալներով՝ իսրայելական հարվածների հետևանքով զոհվել է առնվազն 10 մարդ և նույնքան մարդ էլ ստացել է տարբեր աստիճանի մարմնական վնասվածքներ։ «Սարայա ալ-Քուդս» խմբավորումը («Երուսաղեմի վաշտեր»), որը հանդիսանում է «Իսլամանական ջիհադի» զինված թևը, հայտնել է իր դաշտային երեք հրամանատարների, նրանց կանանց ու որդիների մահվան մասին։

Footage documenting one of the Israeli airstrikes on Khan Yunis, south of the Gaza Strip, earlier tonight. pic.twitter.com/A4Ae8sp8Rt

— Quds News Network (@QudsNen) May 9, 2023

Հերթական սրման պատճառը դարձել էր իսրայելական բանտում, մի քանի ամիս հացադուլից հետո, «Իսլամական ջիհադի» բարձրաստիճան ներկայացուցչի մահը։ Գազայում հայտարարել էին «վրեժխնդրության հարվածների մասին», որից հետո Իսրայելի տարածքը մի քանի օր շարունակ հրթիռակոծվում էր։

Իսրայելի հարավի բնակիչներին իշխանությունները խնդրում են մոտ լինել թաքստոցներին, մի քանի բնակավայրերում փակվել են դպրոցներն ու առանձին փողոցներով շարժը։

Լուսանկարը՝ Abed Rahim Khatib/Flash90