![](/static/articles/15/58/50/l-oXJ6HnQEM6.jpg)
Լեհաստանը Ուկրաինային է փոխանցել МиГ-29 տեսակի 10 կործանիչ
Լեհաստանի պաշտպանության նախարար Մարիուշ Բլաշակը հայտարարել է, որ Լեհաստանը Ուկրաինային է փոխանցել МиГ-29 տեսակի 10 կործանիչ։ Այդ մասին հայտնում է Defence24 պարբերականը։
Ավելի վաղ, Լեհաստանի նախագահ Անջեյ Դուդան խոստացել էր, որ Լեհաստանը Ուկրաինային կփոխանցի МиГ-29 տեսակի 14 կործանիչ։
Ապրիլի սկզբին Լեհաստանն Ուկրաինային արդեն իսկ փոխանցել էր МиГ-29 տեսակի մի քանի կործանիչ։ Մինչ այդ Անջեյ Դուդան նշել էր, որ երկիրը դեռևս ունի տասնյակ այդպիսի ինքնաթիռներ, որոնք Լեհաստանին են մնացել 1990-ական թվականների սկզբին արևելագերմանական բանակից։ «Սրանք դրանց շահագործման վերջին տարիներն են՝ համաձայն դրանց տեխնիկական հնարավորությունների»,- նշել էր Դուդան։
Ավելի վաղ, Սլովակիայի կառավարությունն էլ Ուկրաինային փոխանցել էր МиГ-29 տեսակի 13 կործանիչ։
Լուսանկարը՝ mil.in.ua-ից
Մեկնաբանել