Ուկրաինայի արևելքում զոհվել է Agence France-Press (AFP) գործակալության օպերատոր Արման Սոլդենը։ Այդ մասին նշվում է գործակալության թվիթերյան միկրոբլոգում։ 

Սոլդենը զոհվել է Բախմուտի մոտ գտնվող Չասով Յար քաղաքի մոտ տեղի ունեցած ռմբակոծության հետևանքով։

We are devastated to learn of the death of AFP video journalist Arman Soldin in eastern Ukraine today.

All of our thoughts go out to his family and loved ones. pic.twitter.com/T2y449o1Ry

— AFP News Agency (@AFP) May 9, 2023

Սոցիալական ցանցերում լրագրողի գրառումներից պարզ է դառնում, որ մայիսի սկզբին նա գտնվում էր Բախմուտի շրջանում։ Նա, մասնավորապես, պատմում էր քաղաքի ուղղությամբ ռուսական հարվածների, ինչպես նաև քաղաքում մնացած բնակիչների մասին։ 

Այն մասին, որ ռուսական զորքերը մայիսի 9-ին ռմբակոծել են Չասով Յարը, հայտնել էր քաղաքապետ Սերգեյ Չաուսը։ Նա նշել էր ռմբակոծության հետևանքով մեկ զոհի մասին։ 

«Суспильне»-ի տվյալներով՝ Արման Սոլդենը դարձել է 10-րդ լրագրողը, որը զոհվել է ռուս-ուկրաինական պատերազմի ընթացքում։

Լուսանկարը՝ AFP-ի թվիթերյան միկրոբլոգից