![](/static/articles/01/56/23/l-CVQrclc6Fb.jpg)
Հովիկ Աբրահամյանին դիմելու համար միջնորդներ են փնտրում
Երեկ ՀՀԿ-ի գործադիր մարմնի նիստից հետո պարզ դարձավ, որ ԱԺ նախկին նախագահ Սամվել Նիկոյանը մնալու է որպես շարքային պատգամավոր եւ գործադիրում պաշտոն չի ստանալու: Լուրը տարածվելուց անմիջապես հետո Սամվել Նիկոյանի կողմնակիցները, ովքեր ԱԺ են եկել հենց նրա օգնությամբ, ծանոթներ են փնտրում, որ Հովիկ Աբրահամյանի մոտ բարեխոսեն, որպեսզի մնան իրենց պաշտոններում:
ԱԺ մեր աղբյուրների փոխանցմամբ, բանը հասել է նրան, որ «բարեխոսներ» են ի հայտ եկել նաեւ Սամվել Նիկոյանի համար, որպեսզի վերջինիս հատկացվի Հովիկ Աբրահամյանի երկրորդ հարկի դահլիճի հարեւանությամբ գտնվող աշխատասենյակը, երբ նա զբաղեցնում էր շարքային պատգամավորեղած ժամանակ, ինչպես նաեւ տրվի ծառայողական ավտոմեքենա: Կռվախնձոր դարձած աշխատասենյակի առավելությունն այն է, որ ունի ընդունարան, դրա համար է Ս. Նիկոյանն այդ սենյակն ուզում:
Մինչդեռ շարքային պատգամավորները ծառայողական ավտոմեքենա ունենալու իրավունք չունեն: Նման «արտոնությունից» կարող են օգտվել ԱԺ նախագահը, տեղակալները, հանձնաժողովի նախագահներն ու տեղակալները, ինչպես նաեւ խմբակցության ղեկավարները:
Մեր աղբյուրների փոխանցմամբ, ԱԺ աշխատակազմի ղեկավար Վրեժ Գասպարյանի օրերը եւս հաշված են, եւ առաջիկայում նա էլ պաշտոնանկ է արվելու:
Մեկնաբանություններ (1)
Մեկնաբանել