Instagram-ը պատրաստվում է գործարկել սեփական տեքստային հավելվածը, որը կմրցակցի Twitter-ի հետ։ Այդ մասին գրում է Bloomberg գործակալությունը՝ հղում անելով իր աղբյուրներին։

Հիմա հավելվածը գտնվում է թեստավորման փուլում, որին ներգրավվել են անանուն հայտնի անձինք։

Կալիֆոռնիայի համալսարանի դասախոս Լիա Հաբերմանը թվիթերյան իր միկրոբլոգում գրել է, որ, ենթադրաբար, նոր ծառայությունը Instagram-ից առանձին կլինի և կարող է գործարկվել արդեն հունիսին։ Նա նաև հրապարակել է հավելվածի վաղ տարբերակի սքրինշոթները։

Based on a (somewhat blurry) example I got, Meta's new app looks a lot like Twitter.

So, could this take over all the Twitter screenshots we've been seeing on the Feed lately? Maybe.

It’s impossible to predict how audiences will respond but this could be an alternative. pic.twitter.com/xgQa1kUjCl

— Lia Haberman (@liahaberman) May 19, 2023

Ինչպես գրում է Bloomberg-ը, ավելի վաղ լրատվամիջոցներում արդեն իսկ տեղեկատվություն էր հայտնվել այն մասին, որ Meta ընկերությունը, որին պատկանում է Instagram-ը, աշխատանքներ է իրականացնում «P92» կամ «Բարսելոնա» կոդային անվամբ տեքստային հավելվածի վրա։

2022 թվականի վերջին Twitter-ի ձեռքբերումից հետո Իլոն Մասկը սոցիալական ցանցում ներդրեց մեծ թվաքանակով նորամուծություններ, որոնց մեծ մասը դուր չեկան օգտատերերի մեծամասնությանը։ Դրա պատճառով մի շարք հայտնիներ հայտարարեցին հարթակից հեռանալու մասին։

Կոլաժը՝ makeuseof.com-ից