Տեսանյութեր
Լուսանկարներ
Գերմանացիները փորեցին դանիացիների «գերեզմանը», պորտուգալացիները՝ հոլանդացիների
Յոահիմ Լյովի սաները ապացուցեին, որ իրենք միտված են միայն եւ միայն հաղթանակի, ու որքան էլ Դանիան ջանքեր գործադրեց, գերմանական մեքենայի հաղթարշավը կասեցնել չկարողացավ: 2-1, եւ Գերմանիան առաջին տեղով դուրս է գալիս «Եվրո-2012»-ի B խմբից, իսկ 1/4 եզրափակչում նրան սպասում է Հունաստանը: Փաստորեն, հույները պետք է քննություն հանձնեն, քանի որ հենց գերմանացիների հետ խաղում կերեւա նրանց իրական ուժը:
Դե իսկ պորտուգալացիները չխախտեցին բարի ավանդույթը եւ հերթական՝ 7-րդ հաղթանակը տարան հոլանդացիների նկատմամբ, որոնց մոտ, ըստ էության, բարդույթ է ձեւավորվում պիրենեյցիների նկատմամբ: Ռոնալդուի երկու պատասխան գնդակները վան դեր Վարտի գոլին Պորտուգալիային դուրս բերեցին 1/4, չնայած, եթե նույնիսկ խաղը ոչ-ոքի ավարտվեր, կամ նվազագույն հաշվով հաղթեր Հոլանդիան, կրկին պորտուգալացիներն էին դուրս գալու խմբից՝ շնորհիվ գերմանացիների հաղթանակի:
Այպիսով՝ «մահվան խմբում» իրավիճակը պարզվեց. Գերմանիան թաղեց Դանիայի հույսերը, իսկ Պորտուգալիան քանդեց հոլանդական պատի վերջին քարը: Վան Մարվեյկի ֆիասկոն արդարացում ունենալ չի կարող. աշխարհի փոխչեմպիոնները մրցաշարում վաստակեցին... 0 միավոր:
1/4 եզրափակչում կազմվեցին առաջին զույգերը՝ Չեխիա-Պորտուգալիա, Գերմանիա-Հունաստան: Ֆավորիտները, բնականաբար, B խմբի թիմերն են:
|
Գերմանիա |
3 |
3 |
0 |
0 |
5-2 |
9 |
|
Պորտուգալիա |
3 |
2 |
0 |
1 |
5-4 |
6 |
|
Դանիա |
3 |
1 |
0 |
2 |
4-5 |
3 |
|
Հոլանդիա |
3 |
0 |
0 |
3 |
2-5 |
0 |
Լուս.՝ Ռոնալդուն՝ գոլից հետո (AFP/Getty Images)
Մեկնաբանել