Հայաստանում Չեխիայի դեսպանատան ֆեյսբուքյան էջը հայտարարություն է տարածել Շենգեն վիզայի դիմորդների համար։ Այն ներկայացնում ենք ստորև․

«Չեխիայի Հանրապետության դեսպանությունը տեղեկացնում է, որ ներկայում Շենգեն վիզայի դիմորդների հերթագրումը ժամանակավորապես դադարեցված է՝ կազմակերպչական և տեխնիկական պատճառներից ելնելով։

Եթե Ձեր հերթագրման հայտը ուղարկել եք մայիսի 17-ից հետո, ապա Դուք արդեն իսկ ստացել եք պատասխան նամակ վերոնշյալի վերաբերյալ։

Տեղեկացնում ենք, որ նոր գրանցման համակարգը հասանելի կլինի հունիսի 15-ից և այդպիսով՝ մենք կվերսկսենք հեթագրումը այդ ամսաթվից։

Հերթագրման նոր կանոնների և ընթացակարգի վերաբերյալ հայտարարությունը նախօրոք կտեղադրվի մեր կայքում և սոցիալական հարթակի մեր էջում»,- ասված է հաղորդագրության մեջ։

Լուսանկարը՝ www.schengenvisainfo.com-ից