Հայաստանի վարչապետ Նիկոլ Փաշինյանն ու Ադրբեջանի նախագահ Իլհամ Ալիևը Անկարայում Ռեջեփ Թայիփ Էրդողանի երդմանակալության արարողությունից հետո տեղի ունեցած հանդիսավոր ընդունելության ժամանակ կարճ հանդիպում են ունեցել։ Այդ մասին TACC գործակալության փոխանցմամբ հայտնել է թուրքական TRT հեռուստաընկերությունը՝ ցուցադրելով նաև կադրեր հանդիպումից։ 

What did Aliyev and Pashinyan discuss?

The Azerbaijani and Armenian leaders held a brief meeting in Ankara on Saturday evening after the inauguration ceremony of Turkish President Recep Tayyip Erdogan.

According to the TV channel TRT, they discussed normalizing bilateral… pic.twitter.com/fTtBWgv2t7

— Mike (@Doranimated) June 3, 2023

Հեռուստաընկերության փոխանցմամբ՝ Հայաստանի վարչապետն ու Ադրբեջանի նախագահը քննարկել են երկկողմ հարաբերությունների կարգավորման հարցերը և մտադիր են նոր հանդիպում ունենալ առաջիկա շաբաթների ընթացքում։ Ինչպես երևում է լուսանկարում, հանդիպմանը մասնակցել է նաև Թուրքիայի նախկին վարչապետ Բինալի Յըլդըրըմը։

Հանդիպման այլ մանրամասներ հայտնի չեն։ 

Թուրքիայի նախագահ Ռեջեփ Թայիփ Էրդողանի երդմնակալության արարողությունը, որը մայիսի 28-ին հաղթել էր նախագահական ընտրությունների II փուլում, կայացել էր հունիսի 3-ին Անկարայում։ Դրան մասնակցում էր նաև ՀՀ վարչապետ Նիկոլ Փաշինյանը։ 

Le PM arménien Pashinyan en compagnie d’Erdogan, de Stoltenberg et même tout sourire avec Aliyev hier à Ankara : https://t.co/Q07yh5J6B1

— Ludovic de Foucaud (@ludovicdf) June 4, 2023

Արարողությունից հետո կայացած պաշտոնական ընդունելության ժամանակ Էրդողանը շնորհակալություն էր հայտնել Փաշինյանին՝ արարողությանն անձամբ մասնակցելու համար։ Ընդհանուր առմամբ, թուրքական պետության մայրաքաղաք էր ժամանել աշխարհի 78 երկրի բարձրաստիճան ներկայացուցիչ, այդ թվում 20 պետությունների և կառավարությունների ղեկավարներ։

Լուսանկարը՝ համացանցից