Ռուսական զինուժը հունիսի 10-ի գիշերը իրանական արտադրության Geran-2 անօդաչուների օգնությամբ հարձակվել է Օդեսայի մարզի վրա։ Այդ մասին հայտնում է Օդեսայի մարզային զինվորական վարչակազմին կից հանրային խորհրդի ղեկավար Սերգեյ Բրատչուկը։ 

Ուկրաինացի պաշտոնյայի տվյալներով՝ Օդեսայի երկնքում ոչնչացվել է 8 անօդաչու։ Դրանցից մեկի բեկորներն ընկել են բազմահարկ բնակելի շենքի վրա, ինչի հետևանքով հրդեհ է առաջացել։ Զոհվել է 3 մարդ, ևս 26-ը տուժել է։

🇺🇦🙏😢In #Odessa, three people were killed and ten more were injured due to a night #attack by "shaheeds".#Ukraine #drones #war pic.twitter.com/wCKQ1xUfN0

— Breaking news Ukraine, the world.Stop war (@Andreynowar) June 10, 2023

Բացի այդ, 3 մարդ էլ մարմնական տարբեր աստիճանի վնասվածքներ է ստացել Օդեսայի մարզում ծովափին անօդաչուներից մեկի ընկնելու հետևանքով։ 

Ուկրաինայի զինված ուժերի հրամանատարությունը հայտարարել է, որ Օդեսայի մարզից զատ անօդաչուները հարձակվել են նաև Խարկովի և Պոլտավայի մարզերի վրա։ Ընդհանուր առմամբ, ինչպես պնդում է ուկրաինական կողմը, խոցվել է 20 անօդաչու։

Լուսանկարը՝ AFP-ի