Չնայած նրան, որ ՀՀԿ ղեկավար Սերժ Սարգսյանը գրեթե բոլոր նորանշանակ նախարարներին խստիվ զգուշացրել է իրենց ղեկավարած նախարարություններում կադրային ջարդ չիրականացնել, ստացվում է, որ ոմանք, այնուամենայնիվ, շատ «վռազ» են: «ՉԻ» տեղեկութուններով՝ քաղաքաշինության նախարար Սամվել Թադեւոսյանը երեկ, բացի իր կոլեգաների՝ նորանշանակ մյուս նախարարների հետ սեղան նստելուց, հասցրել է բաժակ բարձրացնել նաեւ իր մտերիմների շրջապատի հետ: Հենց այդ արարողության ժամանակ էլ Թադեւոսյանը ճոխ-ճոխ խոստումներ է տվել իր շրջապատի մարդկանց՝ ասելով, որ մոտ ժամանակներս նրանց համար տեղ կբացվի նախարարությունում՝ վարչության պետերի կամ տեղակալների մակարդակով:

«ՉԻ» տեղեկություններով՝ այսօրինակ աշխատանքային «պիկի» մեջ է նաեւ առողջապահության նորանշանակ նախարար Դերենիկ Դումանյանը, որը երեկվանից սկսած տնտղում է նախարարության աշխատակիցների կուսակցական կենսագրություններն ու պատկանելությունը: