Տեսանյութեր
Լուսանկարներ
Ուսանողների ընդունելություն Հետք Մեդիա Գործարանում
Հետք Մեդիա Գործարանը հայտարարում է ընդունելություն 2023-2024 թթ․ ուսումնական տարվա համար:
Հետք Մեդիա Գործարանը շարունակում է կրթել ստեղծագործ լրագրողների, որոնք իրենց պատասխանատու հրապարակումներով իրազեկում և բացահայտում են՝ ազդելով հասարակական գործընթացների վրա։
Այս տարվա դասացուցակով մեր ուսանողները սովորելու են.
- Լրագրության ներածություն և գրելու հմտություններ,
- Հետաքննական լրագրություն,
- Տվյալների լրագրություն,
- Վիդեո լրագրություն,
- Նկարահանում և մոնտաժ,
- Տվյալների վիզուալացում և գրաֆիկական դիզայն,
- Ֆոտո լրագրություն,
- Աշխարհագրական տեղեկատվական համակարգեր (GIS),
- Փաստերի ստուգում,
- Տնտեսական և ֆինանսական լրագրություն,
- Անգլերենը լրագրողների համար,
- Էթիկա և մեդիա օրենսդրություն,
- Թվային անվտանգություն։
Եթե հետաքրքրեց, դիմիր Հետք Մեդիա Գործարանի կրթական ծրագրին։
Հետք Մեդիա Գործարանում սովորելն անվճար է։ Դիմելու հայտը՝ այստեղ։
Կրթական ծրագրի տևողությունը մեկ ակադեմիական տարի է՝ երկու կիսամյակով (սեպտեմբեր-դեկտեմբեր, հունվար-մայիս)։ Դասերը կազմակերպվում են երկուշաբթիից ուրբաթ՝ երկու հերթափոխով. 10:00 - 13:10 և 14:30 - 17:40։
Հետք Մեդիա Գործարանի դասացուցակը
Հետք Մեդիա Գործարանում կարող են սովորել՝
- 18 տարին լրացած մեդիա ոլորտով հետաքրքրված ՀՀ քաղաքացիները,
- լրագրության կամ այլ ֆակուլտետների ուսանողները,
- գործող և ֆրիլանս լրագրողները
Դիմեք Մեդիա Գործարան, եթե
- գոնե մեկ-մեկ գիրք եք կարդում,
- ուզում եք դառնալ լրագրող,
- կարող եք օրական 4-6 ժամ հատկացնել դասերին և հանձնարարությունների կատարմանը,
- սիրում եք հարցեր տալ և պատասխաններ եք փնտրում,
- պահպանում եք վերջնաժամկետները,
- պատրաստ եք աշխատել լրագրությանը հատուկ անկանխատեսելի իրավիճակներում,
- գնահատում եք կրթությունը և ուզում եք սովորել,
- ճկուն եք նորարարությունների, փոփոխությունների և տարբերությունների ընկալման հարցում։
Ընտրության փուլեր՝
- նախնական դիմում-հայտերի դիտարկում,
- հարցազրույց,
- երկօրյա դասընթաց,
- վերջնական ընտրություն և հաստատում։
Հայտերի ընդունման վերջնաժամկետը՝ հունիսի 30, 2023։ Դիմելու հայտը՝ այստեղ։
Հարցերի դեպքում կարող եք զանգահարել +374 44 20 20 48 հեռախոսահամարով կամ գրել հետևյալ էլ. փոստին՝ [email protected]։
Նախագիծն իրականացնում է «Հետաքննող լրագրողներ» հասարակական կազմակերպությունը` ԱՄՆ պետքարտուղարության Հանրային դիվանագիտության գրասենյակի դրամաշնորհի շրջանակներում:
Մեկնաբանել