Telegram մեսենջերում հուլիսի սկզբին կհայտնվի Stories-ի հնարավորություն։ Այդ մասին հայտնել է մեսենջերի հիմնադիր Պավել Դուրովը։ Նրա խոսքով՝ հիմա այդ գործառույթը գտնվում է թեստավորման վերջին փուլում։ 

Դուրովը պատմել է, որ Telegram-ի օգտատերերը կկարողանան ընտրել, թե ովքեր կտեսնեն իրենց stories-ները։ Ինչպես մնացած սոցիալական կայքերում, Telegram-ում ևս դրանք կհայտնվեն էջի վերին հատվածում և տեսանելի կլինեն 6, 12, 24 կամ 48 ժամով կամ էլ մշտապես՝ օգտատիրոջ անձնական էջում։

Դուրովը նաև ցույց է տվել, թե ինչ տեսք կունենա նոր գործառույթը։

Իլյուստրացիան՝ Պավել Դուրովի էջից