«Հետքը» օրերս հրապարակել էր վարչապետ Տիգրան Սարգսյանի վերջին տարիների գույքի ու եկամուտի հայտարարագրերը: Այսօր կառավարության ծրագրի քննարկման ժամանակ ՀԱԿ խմբակցության անդամ  Նիկոլ Փաշինյանը, մեջբերելով վարչապետի եկամուտների աճը, զարմանք արտահայտեց, թե ֆինանսատնտեսական ճգնաժամի ժամանակահատվածում ինչպես են աճել վարչապետ Տիգրան Սարգսյանի անձնական եկամուտները:

«Հարց է առաջանում, եթե ճգնաժամ է, ապա ինչո՞ւ են երկրաչափական պրոգրեսիայով աճում կառավարության ղեկավարի անձնական միջոցները: Ըստ վարչապետի ներկայացրած հայտարարագրերի՝ 2008 թվականին Տիգրան Սարգսյանն ունեցել է 17 միլիոն 242 հազար դրամ եւ 22 հազար դոլար, իսկ արդեն 2012 թվականին՝ 35 միլիոն դրամ եւ 870 հազար դոլար: Ի՞նչ ձեւի ճգնաժամ է, որ աղքատությունն աճում է ավելի քան 10 %-ով, մեկ շնչին ընկնող ՀՆԱ-ն նվազում է 14 %-ով, բյուջեի եկամուտները նվազում են 7.8 %-ով, նվազագույն աշխատավարձը  դոլարային համեմատությամբ նվազում է 3.8 %-ով, իսկ այդ նույն ժամանակահատվածում պաշտոնավարած վարչապետի եկամուտներն աճում են` դրամական եկամուտները 102 %-ով, կամ նույնն է թե ավելի քան կրկնակի, իսկ դոլարային եկամուտները 39 անգամ»,- հավելեց Նիկոլ Փաշինյանը:

Նա հայտարարեց, թե դեմ է քվեարկելուկառավարության ներկայացրած խրագրին, որովհետև չի ուզում արդարացնել այն արտահայտությունը, թե յուրաքանչյուր ժողովուրդ արժանի է իր կառավարությանը: