ԱԺ ամբիոնից ԱԺ ԲՀԿ խմբակցության պատգամավոր Գուրգեն Արսենյանն ասաց, որ քարոզարշավի ժամանակ եղել է 60 համայնքներում եւ մարդկանց հետ զրույցներից պարզ է դարձել, որ երկրում ինչ-որ բան է կատարվում եւ, տեսնելով իրավիճակը, եզրակացրել  է, որ աղետ է, քանի որ երկիրը դատարկվում է:

Գուրգեն Արսենյանի խոսքերով` վերջին 20 տարվա ընթացքում Հայաստանի տարածքից հեռացել է մոտ 800 հազար մարդ: Նա պատմական էքսկուրս է կատարել, որպեսզի հասկանա, թե վերջին անգամ երբ է նման արտագաղթ եղել: Բացի խոշոր  վայրագություններից, որի ժամանակ հայաթափվել են տարածքները, նման տեմպերով հայաթափում տեղի է ունեցել Շահ Աբասի օրոք, երբ պատերազմ էր:

«Հայաստանի կենսունակությունը վտանգված է»,-հայտարարեց ԲՀԿ-ական պատգամավորը: