Թուրքիան հույս ունի, որ սևծովյան հացահատկի նախաձեռնությունը կարճ ժամկետներում կվերականգնվի։ Այդ մասին լրագրողներին հայտարարել է Թուրքիայի արտաքին գործերի նախարար Հաքան Ֆիդանը։

«Հուլիսի 17-ին մենք Ռուսաստանից ծանուցում ենք ստացել գործարքից դուրս գալու մասին, և Մոսկվան մեզ տեղեկացրել է այդպիսի որոշման պատճառների մասին։ Մենք էական ջանքեր ենք գործադրում հացահատկի գործարքի երկարաձգման համար և հավատում ենք բանակցությունների սեղան Ռուսաստանի վերադարձի նպատակահարմարությանը։ Բացի այդ, մեծ է լուծումների հավանականությունը, որոնք չեն սպառնա պարենային ճգնաժամի հաղթահարմանն ուղղված ջանքերին։ Մենք հույս ունենք, որ շուտով հացահատկի գործարքը կվերականգնվի»,- ասել է թուրք նախարարը։

Ֆիդանը նշել է, որ ավելի վաղ հացահատկի գործարքի շուրջ ստեղծված իրավիճակը քննարկել է ՄԱԿ-ի գլխավոր քարտուղար Անտոնիու Գուտերիշի և ՌԴ ԱԳ նախարար Սերգեյ Լավրովի հետ։ «Մենք բոլոր ուժերով աշխատում ենք համաձայնությունների վերականգնման ուղղությամբ»,- եզրափակել է Թուրքիայի արտաքին քաղաքական գերատեսչության ղեկավարը։

Լուսանկարը՝ turkiyenewspaper.com-ից