Օնլայն առևտրային ցանց ունեցող «Վայլդբերրիզ» ընկերությունը 2023 թվականի առաջին կիսամյակի արդյունքներով Հայաստանի 28-րդ խոշոր հարկատուն է։ 

Ինչպես ցույց է տալիս Պետական եկամուտների կոմիտեի հրապարակած  1000 խոշոր հարկատուների ցանկը, «Վայլդբերրիզ» ընկերությունը այս տարվա առաջին վեց ամիսներին (հունվար-հունիս) Հայաստանի պետական բյուջե է վճարել 4.7 մլրդ դրամի հարկեր։ 

Նախորդ տարվա նույն ամիսների համեմատ ընկերության հարկերն աճել են 16 անգամ։ 

2022 թվականի առաջին կիսամյակում «Վայլդբերրիզ»-ը Հայաստանի խոշոր հարկատուների կազմում զբաղեցրել է 403-րդ տեղը՝ 295 մլն դրամի հարկերով։ 

«Վայլդբերրիզ» ՍՊԸ-ն գրանցվել է 2018 թվականի օգոստոսին։