«Ադրբեջանի մեղադրանքները կեղծ են, քանի որ նման հանցագործություն Մեշալի գյուղում տեղի չի ունեցել»,- այս մասին թվիթերյան իր միկրոբլոգում գրել է ԱՀ պետական նախարարի խորհրդական Արտակ Բեգլարյանը:

«Վագիֆ Խաչատրյանը ծնվել է 1955 թվականին Արցախում, բնակվում է Պատարա գյուղում։ Բոլոր տղամարդկանց նման նա նույնպես պաշտպանել է իր հայրենիքը 1991-1994 թվականի պատերազմում։ Սակայն Ադրբեջանի մեղադրանքները կեղծ են, քանի որ նման հանցագործություն Մեշալի գյուղում տեղի չի ունեցել։ Այսօր նա առևանգվել է իր դստեր և ԿԽՄԿ ներկայացուցիչների ներկայությամբ»,- գրել է Բեգլարյանը:

Նշենք, որ Հակարիի կամրջից այսօր առևանգված Վագիֆ Խաչատրյանին Ադրբեջանի գլխավոր դատախազությունը մեղադրում է «ցեղասպանության, ադրբեջանցիների տեղահանության մեջ»: 

Գլխավոր լուսանկարում՝ Վագիֆ Խաչատրյանը, լուսանկարը ադրբեջանական տելեգրամյան ալիքներից